ایش گونونون آزالدیلماسی ساغلیغا مثبت تاثیر ائدیر
هفتهده دؤرد گون چالیشماق، قایغی و استرسی آزالتماقدان یوخو و ایدمان اوچون داها چوخ زامان تامین ائتمهیه قدر بیر چوخ طرفذن چالیشانلارین ساغلیغینی یاخشیلاشدیریر
ایش گونو ساییسینین هفتهده دؤرده ائندیریلمهسی، چالیشانلارین داها ساغلیقلی و سئوینجلی حس ائتمهسینی تامین ائدیر.
یئنی ائدیلهن بیر آراشدیرمایا گؤره، هفتهده دؤرد گون چالیشماق، قایغی و استرسی آزالتماقدان یوخو و ایدمان اوچون داها چوخ زامان تامین ائتمهیه قدر بیر چوخ طرفدن چالیشانلارین ساغلیغینی یاخشیلاشدیریر.
اینگیلترهدهکی کمبریج اونیوئرسیتهسینه سوسیال بیلملر پروفسورو اولان و ایشین پسیکولوژیک رفاه اوزریندهکی تاثیرلرینی آراشدیران راپورون یازارلاریندان برندان بورچل،
"آکادمیک شوبههچیلیگیمیزه باخمایاراق بو حقیقتاً مثبت بیر نتیجه اولدو" دئدی.
آراشدیرمایا قاتیلان و اکثریتی بیرلشمیش کراللیق مرکزلی اولان شیرکتلرین یاریسیندان چوخو بوتون چالیشانلارینا بازار ائرتهسی یا دا جمعه گونو ایجازه وئررکن، دیگرلری مرحلهلی پروگراملار یا دا هفته بویونجا داها قیسا ایش ساعاتلاری کیمی حل یوللاری سوندو.
آلتی آیلیق پایلوت دؤونمی بویونجا، چالیشانلارین اورتالاما هفتهلیک ایش ساعاتی ۳۸دن ۳۴ ساعاتا دۆشدو.
دؤرد گونلوک ایشین، بیر چوخ چالیشان اوچون داها ساغلیق یاشام معناسینی وئردیگی ایفاده ائدیلدی.
قاتیلیمچیلارین تخمیناً یوزده ۴۰ی ایشله باغلی داها آز استرس یاشادیقلارینی، یوزده ۷۱ی داها آشاغی سویهده تۆکنمیشلیک حس ائتدیکلرینی سؤیلهدی.
چالیشانلارین یوزده ۴۰یندان چوخو روح ساغلیقلارینین یاخشیلاشدیغینی سؤیلیرکهن، قروپون اؤنملی بیر قیسیمی قایغی و منفی دویغولاریندا آزالما اولدوغونو بیلدیردی.
چالیشانلارین تخمیناً یوزده ۴۰ی پایلوت دؤنمی بویونجا فیزیکی ساغلیقلارینین داها یاخشی اولدوغونو، بونون سببینین ده اوغراشی (تفنن)لارینا، مایدمانا، یئمک پیشیرمهیه، عایلهلریله واخت گئچیرمهیه و دیگر فعالیتلرینه داها چوخ زامان آییرمالاری اولابیلهجگینی سؤیلهدی.
چالیشانلارین تخمیناً یاریسی دا بو سینامادان اؤنجهکی قدر یورغون اولمادیقلارینی، یوزده ۴۰ی ایسه داها راحت یاتابیلدیکلرینی دیله گتیردی.
ایلگیلیلی خبرلر
مکزیکده قوش قریپیندن ایلک اؤلوم
مکزیکده قوش قریبینین آلت نوعو اولان A(H5N2) ویروسوندان ایلک اؤلوم اولدوغو تصدیقلَنیب