خزر ساحیلینده مینلرجه سو ایتی اؤلوسو تاپیلدی
اؤزللیکله یوزباش بؤلگه‌سین‌ده و سولاق و شورنیکا چایلارینین آغیزلاری آراسین‌دا چوخ ساییدا اؤلو سو ایتی اولدوغو بیلدیریلدی
روسیا فدراسیونونا باغلی داغیستان جمهوریتینده خزر دنیزی ساحللرین‌ده ۲۵۰۰ دولاییندا اؤلو سو ایتی تاپیلدی.
داغیستان طبیعی قایناقلار و ائکولوژی باخانلیغینین سوسیال مئدیا حسابین‌دان وئریله‌ن آچیقلامادا، ربؤلگه‌نین خزر دنیزی ساحلین‌ده اؤلوموش سو ایتیلرین تاپیلدیغی بیلدیریلدی.
ایلک باشدا۶۰۰دن چوخ ساییلان اؤلو سو ایتیلرین ساییسینین آرتماغا داوام ائتدی قید ائدیلن آچیقلامادا،
«تأسف کی، سایی چوخ آرتیدی و حاضردا ۲۵۰۰ اولدو" ایفاده‌سی ایشله‌دیلدی.
اؤلو سو ایتیلره ساحل‌ده موختلیف یئرلرده گؤرولدوگونه دقت چکیلن آچیقلامادا، اؤزللیکله یوزباش بؤلگه‌سین‌ده و سولاق و شورنیکا چایلارینین آغیزلاری آراسین‌دا چوخ ساییدا اؤلو سو ایتی اولدوغو بیلدیریلدی.
آچیقلامادا، سو ایتیلرین توپلو اؤلوملرینین سببینین حیوانلاردان آلینان پاتولوژیک ماتریاللارین لابوراتور آراشدیرمالارین‌دان سونرا معین ائدیله‌جگی پایلاشیلدی.
خزر دنیزین‌ده سون ۱۰ ایلده ایلک دفعه بو قدر بؤیوک ساییدا سو ایتی اؤلومو باش وئردیگینه دقت چکیلدی.
نسلی کسیلمک‌ده اولان خزر سو ایتی "خزرده تک دنیز ممه‌لی‌سی" اولاراق بیلینیر.
