تورکیه‌ده بیر واکسن داها تست ائدیله‌جک
یئنی نسیل کوروناویروسه قارشی تورکیه‌ده گلیشدیریله‌ن بیر آشینین داها فاز-۱ مرحله‌سینه باشلاناجاق
جمهورباشقانی کؤمکچی‌سی فواد اوکتای، یئنی نسیل کوروناویروسه قارشی تورکیه‌ده گلیشدیریله‌ن بیر آشینین داها فاز-۱ مرحله‌سینه باشلاناجاغینی بیلدیردی.
فواد اوکتای، کووید-۱۹ خسته‌لیگینه قارشی حاضردا ۱۸ یئرلی آشی چالیشمانین اولدوغونو و بونلاردان ۷سینین اومود وئریجی اولدوغونو سؤیله‌دی.
اوکتای، ۷ آشی ایچین‌ده ۴ونون کلینیک اویقولاما مرحله‌سین‌ده اولدوغونو بیلدیردی.
کایسئری ارجیئس اونیوئرسیته‌سین‌دن پروفسور دکتر آیکوت اؤزدارنده‌لی طرفین‌دن گلیشدیریله‌ن واکسنین سون کلینیک مرحله اولان فاز-۳ مرحله‌سینه چوخ یاخین‌دا گئچه‌جگینی ایفاده ائد‌ن اوکتای، بونلاری سؤیله‌دی:
"بو گون ده گؤزل بیر خبریمیز وار. سلجوق اونیوئرسیته‌سین‌دن پروفسور دکتر عثمان ارگانیشین گلیشدیردیگی آشینین کلینیک اؤنجه‌سی مرحله‌نی تاماملادیغی و فاز-۱ مرحله‌سینه باشلایاجاغی خبرینی آلدیق. قیسمت اولسا چرشنبه گونو فاز-۱ مرحله‌سی باشلامیش اولاجاق".
