دونیا جمعیتی ۱۰ میلیاردا چیخاجاق
تخمینلر، تورکییهنین جمعیتینین ۲۰۶۹.جو ایله قدر آرتاراق ۱۰۷،۶ میلیون نفرله ان یوکسک دگرینه چاتاجاغی یؤنونده
دونیا جمعیتینین ۲۰۵۵ده ۱۰ میلیاردا، یوزایلین سونوندا دا ۱۱،۲ میلیاردا یوکسلهجگی تخمین ائدیلیر.
"۱۱جولای دونیا جمعیت گونو" موناسیبتیله، بیرلشمیش میللتلر جمعیت صاندیغی بیلگیلرینه گؤره، ۲ مین ایل اؤنجه ۳۰۰ میلیون اولان دونیا جمعیتی، بو گون تخمیناً ۷،۷۱ میلیاردا چاتدی.
صاندیق، بیرلشمیش میللتلر طرفیندن حاضرلانان بیر آراشدیرما نتیجهسینه گؤره، جمعیتی ان کسکین شکیلده آزالان اون اؤلکهنین دوغو آوروپادا اولدوغونا، بو اؤلکهلر آراسیندا بولقاریستان، لتونی و مولداوینین باشی چکدیگینه ایشاره ائدیر.
ان چوخ اینسانا ائو صاحبلیگی ائدن قاره ایسه آسیا.
دونیا جمعیتینین بو گون تخمیناً یوزده ۶۰ی آسیادا، یوزده ۱۵ی آفریقادا، یوزده ۱۰و آوروپادا، یوزده ۸ی لاتین آمریکا و کارئیب و قالانی ایسه قوزئی آمریکا و اقیانوسیهده یاشاییر.
چین ۱،۴۲ میلیاردلیق هیندیستان دا ۱،۳۷ میلیاردلیق جمعیت ایله دونیانین ان بؤیوک ایکی اؤلکهسی دوروموندا.
چین دونیا جمعیتینین یوزده ۱۹ونو، هیندیستان ایسه ۱۸ینی اولوشدورور. آنجاق دؤرد ایل سونرا هیندیستانین ان قالابالیق اولکه اولاجاغی اؤن گؤرولور.
اینسان جمعیتینین ان آز اولدوغو اؤلکه ایسه ۱ میلیون ۵۶۴ مین ۱۱۶ مربع کیلومترلیک ساحهده تخمیناً ۳ میلیون اینسانین یاشادیغی موغولوستان.
دونیانین ۱۷.جی بؤیوک جمعیتیه صاحب اؤلکهسی قونومونداکی تورکییهده ایسه جمعیتین ۲۰۲۳ ایلینده تخمیناً ۸۷ میلیون، ۲۰۴۰.جی ایلده ایسه ۱۰۰ میلیون نفره چاتاجاغی گؤزلنیلیر.
تخمینلر، تورکییهنین جمعیتینین ۲۰۶۹.جو ایله قدر آرتاراق ۱۰۷،۶ میلیون نفرله ان یوکسک دگرینه چاتاجاغی یؤنونده.