سئل یوزلرجه جان آلدی

گونئی آفریقا اؤلکه‌لرین‌دن موزامبیک‌ده باش وئره‌ن قاسیرغا و داشقین فلاکتلری سببیله ۴۴۷ نفر حیاتینی ایتیررکه‌ن، یاردیما محتاج اینسانلارین ساییسی ۲ میلیون اولدو.

بیرلشمیش میللتلر اینسانی کؤمک افیسیندن وئریلن آچیقلامادا، موزامبیکی تأثیری آلتینا آلان ایدای قاسیرغاسی و شدت‌لی یاغیشلارین سبب اولدوغو سئللر سببیله ان آز ۱ میلیون ۸۵۰ مین نفرین یاردیما محتاج حالا گلدیگی بیلدیریلدی.

فلاکتلرین بؤیوک انسانی بحرانا یول آچدیغی، آلت یاپینین ضرر گؤردویو، بیر چوخ ائوین داغیدیلدیغی و اکین یئرلرینین ویران اولدوغو ایفاده ائدیله‌ن آچیقلامادا، اؤلکه‌ده ۴۴۷ نفرین حیاتینی ایتیردیگی، ۱۵ مین‌دن چوخ انسانین یارالاندیغی ایفاده ائدیلدی.

آچیقلامادا، فاجعه‌دن ضرر چکه‌ن خالقین عاجل یئیه‌جک و انسانی یاردیما احتیاجی اولدوغونا دقت چکیلدی.

گونئی آفریقا اؤلکه‌لرین‌دن مالاوی، موزامبیک و زیمبابونی ووران ایدای قاسیرغاسی نتیجه‌سین‌ده بؤلگه‌ده مینلرجه ائو و یول داغیلمیش، یولوخوجو خسته‌لیکلر باش گؤسترمیشدی.