آمریکادا مینلرجه انسان اؤلور
کیفیتسیزلیک اوزوندن هر ایل مینلرجه اینسان اؤلور
آمریکادا، ساغلیق سئکتورونداکی کیفیتسیزلیک اوزوندن هر ایل مینلرجه اینسان اؤلور.
آکسیوس اینترنت سایتینین خبرینده، گئچن ایل ساغلیق خیدمتلرینه ۳،۵ تریلیون دلار خرجلنن آمریکادا، باش وئرهن حادثه و آراشدیرمالارین، بو ساحهدهکی کیفیتسیزلیگی گؤستردیگی قید اولوندو.
آمریکاداکی خستهخانالارین ۳ده ۱ینین عاجل مداخیله اوچون قویولان فدرال قانونلاری پوزدوغونون اورتایا چیخدیغینین وورغولاندیغی وئبمئد و جورجیا هلت نیوزون باورتاق آراشدیرما نتیجهلرینین یئر آلدیغی خبره گؤره، یئرلی مطبوعات دا، فلوریداداکی جونز هاپکینس اوشاق خسته خاناسینداکی اوشاق اؤلوملرینین یوکسک سویهده اولدوغونو قید ائدیر.
دیترویتداکی ان بؤیوک خسته خانالاردان بیرینین ده "تمیز اولمایان جراحی لوازم ایستیفادهسی" سوچلاماسی ایله قارشی قارشییا قالدیغینا دقت چکن خبرده، اؤلکهدهکی پسیکیاتری خسته خانالاری ایله اویوشدوروجو معالیجه مرکزلریندهکی یئترسیز باخیم حاقیندا مطبوعاتدا تئز تئز معلوماتلار یئر آلدیغی وورغولاندی.
خبرده فیکیرلرینه یئر وئریلن، خستهخانا کیفیتلرینی اؤلچن "لیپفروگ گروپ" آدلی هؤرگوتون اوست یؤنتیجیسی لی بیندر ده
"خستهخانا کیفیتلری اولماسی لازیم اولان سویهده اولمادیغی اوچون هر ایل مینلرجه اینسان بوش یئره حیاتینی ایتیریر" دئدی.