"تاریخده‌کی ان بؤیوک اپیدمی"
آوریل‌دن بو یانا خسته‌لیک سببی ایله اؤلنلرین ساییسی 2 مین 100 نفری آشدی"
اولوسلارآراسی انسانی یاردیم قورولوشو اوکسفام، یمنده آوریل آیین‌دان بو یانا 2 مین 100 نفرین اؤلومونه یول آچان وبانین "تاریخده‌کی ان بؤیوک اپیدمی" اولدوغونو بیلدیردی.
اوکسفام، اینترنت سایتین‌دان وئردیگی یازی‌لی آچیقلامادا،
27" آوریل‌دن بو یانا خسته‌لیک سببی ایله اؤلنلرین ساییسی 2 مین 100 نفری آشدی، 755 مین شبهه‌لی حال تعین ائدیلدی. بو، تاریخ بویو ثبت ائدیلن ان یوکسک رقم" ایفاده‌سینه یئر وئردی.
آچیقلامادا، شبهه‌لی حال سایی‌لاری‌نین نوامبر آیینا قدر 1 میلیون نفره چاتاجاغی اویاریسی وئردی.
اوکسفامین انسانی یاردیم مودور یاردیمچیسی نیگل تیمینس ایسه، یمنده دونیادا ان بؤیوک انسانی بحرانین یاشاندیغینی قید ائتدی.
تیمینس، یمن بحرانی‌نین گئتدیکجه پیسلشدیگی و اؤلکه‌ده 2 ایلدن آرتیق داوام ائدن ساواشین وبانین یاییلماسی اوچون بنزرسیز بیر شرایط یاراتدیغینا دقت چکدی.
دونیا ساغلیق هؤرگوتونون اؤنجه‌کی گون یاییملادیغی راپوردا، وبا اپیدمیسی‌نین میدانا چیخدیغی 27 آوریل‌دن بو یانا اؤلکه‌ده 745 مین 205 شبهه‌لی حال گؤرولدوگو و اپیدمی سببیله 2 مین 119 نفرین اؤلدوگو بیلدیریلمیشدی.
