یونانیستان-دا مئشه یانغینلاری داوام ائدیر
پایتاخت آتن-نین اطرافی باشدا اولماقلا یونانیستانین موختلیف یئرلریندن اوجالان آلوولار گوندهلیک حیاتی فلج ائتدی.
یونانیستان-دا گونلردیر داوام ائدن مئشه یانغینلاری گؤستریلن سعیلره باخمایاراق سؤندوروله بیلمیر.
پایتاخت آتن-نین اطرافی باشدا اولماقلا یونانیستانین موختلیف یئرلریندن اوجالان آلوولار گوندهلیک حیاتی فلج ائتدی.
آتن یاخینلیغیندا ایکی یای کامپی ایله یاناشی بیر چوخ ائو تخلیه ائدیلدی.
کالاموسداکی یانغین نتیجهسینده چوخ سایدا بینا یاندی.
بعضی بؤلگهلر بوشالدیلیب، یوزلرله یانغین سؤندورن سؤندورمه ایشلرینی داوام ائتدیریر.
کؤنوللولر ده یانغین سؤندورمه فعالیتلرینه قاتیلیر. هاوادان یانغین سؤندورمه چالیشمالاری دا داوام ائتدیگی بیلدیریلیر.
سلانیک، پلوپوننز یاریم آداسی، ایون دنیزی، کفالونیا و زاکینتوس آداسیندا دا موختلیف نقطهلرده باش وئرن یانغینلارین داوام ائتدیگی بیلدیریلدی.
یانغینین دؤرد گوندور داوام ائتدیگی زاکینتوسدا فوق العاده وضعیت اعلان ائدیلدی.
گون عرضینده توریستیک آدادا 22 فرقلی نقطهده یانغین باش وئردی.
اؤلکه میقیاسیندا یانغین باش وئرن یئرلرین سایی 91 ایدی.
یانغینلارین بعضیلرینین قوندارقلاما اولا بیله جگی بیلدیریلیر.