4 تن نازی قیزیلی تاپیلدی

قوزئی آتلانتیکده، 1938.-جی ایلده، گونئی آمریکا‌دان آلمانیایا 4 تن قیزیل داشییارکن باتان آلمان یوک گمی‌سی‌نین یئری تعیین اولوندو.

2.جی دونیا ساواشی دؤورونده گونئی آمریکا بانکلاریندان‌ آلینان 100 میلیون استرلینگ (460 میلیون لیرا) دگرین‌دکی قیزیل‌لاری آلمانیایا داشییان آنجاق ایسلند ساحل‌لرینده باتان گمی‌نین داغینتی‌سی تاپیلدی.

اینگیلتره‌دکی خزینه اووچوسو شیرکتی آدونسد مارین سرویس، 24 سپتامبر 1938.جی ایلده ایسلندین 193 کیلومتر گونئی دوغوسوندا باتان اس‌اس میندن آدلی گمی‌نین گؤوده‌سینی تاپدی.

خزینه اووچولارینین، داغینتی‌نین ایچینده بیر قوتویا یئرلش‌دیریلن 4 تن آغیرلیغیندا قیمت‌لی متال تاپدیغی ایفاده ائدیلرکن، بو متالین 100 میلیون استرلینگ دگرینده قیزیل اولدوغو تخمین ائدیلیر.

گونئی آمریکا‌دان یوک‌لنن قیزیل‌لارین آلمانیایا دوغرو یولا چیخدیغی آنجاق اینگیلیس دونانما گمی‌لری‌نین وضعیتی فرق ائتمه‌سی اوزرینه، نازی آلمانیاسی لیدئری آدولف هیتلرین گمی‌نین باتیریلماسی تعلیماتینی وئردیگی ایره‌لی سورولور.

خزینه اووچولاری، خزینه‌نین تاپان شخص و یا قورولوشا عاید اولدوغونو، بو سببله اینگیلتره‌یه گتیریلمه‌سی لازیم اولدوغونو ادعا ائدیر.

اؤته یاندان ایسلند‌لی یئتکی‌لی‌لر، آدونسد مارین سرویسین اؤلکه سولاریندا آختاریشآپارما ایجازه‌سی اولمادیغینی، بو سببله خزینه‌نین اعاده‌سی‌نین مومکون اولمایاجاغینی سؤیله‌دی.