گؤیرچینی پیس ایشلرینه آلت ائتدیلر
گؤیرچینین داشیدیغی اویوشدوروجو حب‌لر آراسیندا، یاسادیشی کماتین ماده‌سی‌نین ده اولدوغو اؤیرنیلدی
کویتده گؤمروک ایشچی‌لری، بیر گؤیرچینین کوریینه باغلانمیش بیر پارچا ایچینده 178 اویوشدوروجو حب تاپدی.
گؤیرچین، کویت-عراق سرحد بؤلگه‌سینده ال ابدالی گؤمروک بیناسی یاخین‌لاریندا توتولدو.
گؤیرچینین داشیدیغی اویوشدوروجو حب‌لر آراسیندا، یاسادیشی کماتین ماده‌سی‌نین ده اولدوغو اؤیرنیلدی.
گؤمروک یئتکی‌لی‌لری، داها اؤنجه گؤیرچین‌لرله اویوشدوروجو داشیندیغینی دویدوق‌لارینی اما اویوشدوروجو داشییان بیر گؤیرچینی ایلک دفعه توتدوق‌لارینی سؤیله‌دی.
دگری یوکسک و یونگول اویوشدوروجو‌لار اوچون گؤیرچین‌لرین ایستیفاده ائدیلدیگی حال‌لاردا گؤرولدوگو باشقا اؤلکه‌لر ده وار.
2015.جی ایلده کاستاریکاداکی بیر حبس‌خانانین گؤزتچی‌لری، بیر گؤیرچینه باغلانمیش پارچادا کوکاین و چدنه اوتو تاپمیشدی‌لار.
کلمبیا پلیسی ده 2011.جی ایلده کوکاین و اوتون آغیرلیغینی داشییاممادیغی اوچون حبس‌خانا دوواری‌نین اوستون‌دن هاوا‌لانامایان بیر گؤیرچینی توتموشدو.
گؤیرچین‌لر روما دؤورون‌دن بو یانا مکتوب‌لارین داشینماسی اوچون ایستیفاده ائدیلیردی.
یاریشچی گؤیرچین‌لر یوزلرجه کیلومتر مسافه‌نی آشیب آیریلدیق‌لاری یئره دؤنه‌بیلیرلر.
