بو 2 بارماغین اوزونلوغو خصوصیت و ساغلاملیغینیزدان خبر وئریر
آنا بطنینده اولارکن تستوسترونون تأثیری داها چوخ اولدوقدا دوغولان کؤرپهده شهادت بارماغی آدسیز بارماقدان داها قیسا، استروژن تأثیری داها چوخ اولدوقدا شهادت بارماغی آدسیز بارماقدان داها اوزون اولور.
آنا بطنینده اولان دؤله هم قادین، هم ده کیشی هورمونلاری تأثیر ائدیر.
آنا بطنینده اولدوغو زامان دؤله کیشی هورمونو (تستوسترون) و یا قادین هورمونلاری (استروژن) داها آز و یا داها چوخ تأثیر ائده بیلر. بو اوشاغین آنا بطنینده اینکیشافینا، اونون موختلیف اورگان و سیستملرینین فورمالاشماسینا تأثیر ائدیر. اوشاق دوغولاندا ایسه بو اونون خاصیتینده و ساغلاملیغیندا اؤزونو بوروزه وئریر.
آراشدیرمالار گؤستریب کی، آنا بطنینده اولارکن تستوسترونون (کیشی هورمونو) تأثیری داها چوخ اولدوقدا دوغولان کؤرپهده شهادت بارماغی آدسیز بارماقدان داها قیسا، استروژن (قادین هورمونلاری) تأثیری داها چوخ اولدوقدا شهادت بارماغی آدسیز بارماقدان داها اوزون اولور.
ایندپندنت-ین معلوماتینا گؤره، موختلیف اؤلکهلرده آپاریلمیش 200-دن آرتیق علمی آراشدیرما گؤستریب کی، بارماقلارین اوزونلوغو ایله بعضی خاصیت و ساغلاملیق گؤستریجیلری آراسیندا علاقه وار.
آدسیز بارماق شهادت بارماغیندان اوزون اولان اینسانلار (شکیلده آ واریانتی) داها آگرسیو(عصبی) اولور، اکثر حاللاردا اؤز مقصدلرینه چاتیر، داها چوخ پول قازانیرلار. اوشاق واختی بئله اینسانلار هیپراکتیو اولور و بو سببدن مکتبده پروبلئملرله اوزلشیر. لاکین دقیق علملرده (ریاضیات، فیزیک و س) اونلار چوخ یاخشی نتیجهلر الده ائدیر. بو قروپ اینسانلار استرسه داها داواملی اولور، استرس وضعیتلریندن داها تئز چیخیر.