80 نفر دوناراق اؤلدو
سون 30 ایلین ان سویوق قیشی یاشانیر
سویوق هاوا دالغاسی‌نین حیاتی ائتکی‌له‌دیگی ماجاریستاندا آشیری سویوق‌لار سببیله 80 نفر حیاتینی ایتیردی.
ماجاریستاندا سون 30 ایلین ان سویوق قیشی یاشانیر.
متورولوژی باش مودورلوگوندن وئریلن آچیقلامایا گؤره، اؤلکه‌ده سویوق هاوا 1985.جی ایلده اؤلچولن اکسی/منفی 26،5 درجه سویوق رکوردونو گئچدی.
هاوا سویوقلوغو 8 ژانویه گئجه‌سی پست بؤلگه‌سینده منفی 28،1 درجه‌نی گؤره‌رک یئنی بیر رکورد قیردی.
ماجاریستان سوسیال فورومو طرفین‌دن وئریلن آچیقلامادا ایسه، ماجاریستاندا 2016 گوزوندن دسامبر سونونا قدر 80 نفرین دوناراق حیاتینی ایتیردیگی بیلدیریلدی.
اؤلنلرین 20سینین کوچه‌ده، 27سینین ائوینده، 33ونون ایسه خسته‌خانایا قالدیریلارکن یولدا یا دا خسته‌خانادا ائدیلن مداخیله‌لره باخمایا‌راق دوناراق حیاتینی ایتیردیگی ایفاده ائدیلدی.
آچیقلامادا آیریجا گئچن ایلین عینی دؤورونده 45 نفرین سویوق‌دان دوناراق حیاتینی ایتیردیگی معلوماتی پایلاشیلدی.
