زیکا ویروسو سانیلان‌دان داها تهلوکه‌لی اولا بیلر

زیکا ویروسو سانیلان‌دان داها تهلوکه‌لی اولا بیلر ...

اینگیلیس یایین قورولوشو بی.بی.سی-نین خبرینه گؤره، برزیل‌لی علم اینسان‌لاری، زیکا ویروسونون تخمین ائدیلن‌دن چوخ داها تهلوکه‌لی نئورولوژی خسته‌لیک‌لره یول آچا بیله‌جگینی بیلدیردی.

ویروسا توتولان حامیله قادین‌لارین بئشده بیری‌نین کؤرپه‌لری‌نین ده منفی ائتکیلنبیله‌جگی سانیلیر.

حامیله‌لیک دؤورونده زیکا ویروسون‌دان تأثیرلنن قادین‌لارین یوزده بیری‌نین اوشاغی‌نین میکروسفالیه توتولاجاغی سانیلیرکن، یوزده 20سی‌نین کؤرپه‌سینی، آنا بتنینده مختلیف بئیین زیان‌لاری میدانا گلدیگی بللی اولوندو.

2001-2014  ایللری آراسیندا هر ایل اورتا حسابلا 163 کؤرپه‌ده میکروسفالیه حادثه‌سی‌نین گؤرولدوگو برزیل‌ده ساغلیق ناظیرلیگی، اوکتوبر آییندا بنزر حادثه‌لرده جدی آرتیم اولدوغونو آچیقلادی.

ناظیرلیگین سون معلومات‌لارینا گؤره، اوکتوبر آیین‌دان بو یانا اؤلکه‌ده 4 مین 783 میکروسفالیه حادثه‌سینه راست گلیندی.

اینگیلتره‌ده بیر ژورنالین ایکی هفته اوّل یایینلادیغی قلوبال زیکا خریطه‌سینه گؤره، دونیادا 2 میلیارد 173 مین 27 نفر، زیکا ویروسونون تأثیرلی اولدوغو یئرلرده یاشاییر.

دونیا ساغلیق تشکیلاتی‌نین سون معلومات‌لارینا گؤره، ویروس، 2007-2016 ایللری آراسیندا 44 اؤلکه‌ده گؤرولرکن، 33 اؤلکه‌ده اپیدمی شکلینده میدانا چیخدی.