قادینا قارشی شدتله اولوسلارآراسی مبارزه گونو
"قادینلار اوچون ایشیقلی بیر گلهجک" شعارییلا ائدیلهجک فعالیتلرده، نارینجی رنگ ایستیفاده ائدیلیر
25 نوامبر، قادینا قارشی شدتله اولوسلارآراسی مبارزه گونودور.
بیرلشمیش میللتلر تشکیلاتینین، گون دولاییسیلا "نارینجی کامپانیا" باشلاتدی.
فعالیت چرچیوهسینده، نیویورکداکی امپایر ایستتس بیناسی، نارینجی رنگله ایشیقلاندیریلدی.
بیرلشمیش میللتلر تشکیلاتی، قادینا قارشی شدتله اولوسلارآراسی مباریزه گونو چرچیوهسینده 10 دسامبر انسان حاقلاری گونونه قدر "نارینجی ائتکینلیکلر" تشکیل ائتمهیه چاغیردی.
"قادینلار اوچون ایشیقلی بیر گلهجک" شعارییلا ائدیلهجک فعالیتلرده، نارینجی رنگ ایستیفاده ائدیلیر.
بیرلشمیش میللتلر تشکیلاتینین باش کاتیبی بان کی موون، قادین بیریمی ایجرا مودورو و کیچیک یاشدا جینسی ساتاشیما اوغرایان آکتریس تری هاچر، تدبیرلر چرچیوهسینده نیویورکداکی امپایر ایستتس بیناسینی نارینجی رنگله ایشیقلاندیرما اوچون بیرلیکده ایشه باشلادی.
باش کاتیب بان، قادینلارا و قیز اوشاقلارینا قارشی شدتین بوتون اینسانلیغا ضرر وئردیگینی سؤیلهدی.
قادینا شدت ایله مباریزهیه دستک وئرمک ایستهینلری نارینجی رنگده پالتارلار گئیمهیه چاغیران بان، محلهلرین ده تورونجویا بویانماسینی ایستهدی.
بیرلشمیش میللتلر تشکیلاتینین وئریلرینه گؤره، دونیادا قادینلارین و قیز اوشاقلارینین یوزده 35ی فیزیکی یا دا جینسی زوراکیلیغا معروض قالیر.
15 یاشین آلتیندا 30 میلیون قیز اوشاغی دا قادین سنتی/ختنهسی ریسکی آلتیندا یاشاییر. دونیادا قادین سنتینه معروض قالمیش 130 میلیون قادین و قیز اوشاغی وار.
دونیادا اوشاق یاشدا ائولندیریلن قادینلارین ساییسی ایسه 700 میلیونا چاتمیش وضعیتده. بونلارین 250 میلیونو 15 یاشین آلتیندایکن ائولندیریلمیش.
ایلگیلیلی خبرلر
ژاپن و اکوادوردا زلزله باش وئریب
ژاپنون پایتخاتی توکیونون گونئیینده 6 ریشتر و اکوادوردا 5.2 ریشتر گوجونده زلزله باش وئریب