سفری‌حصار و گؤزللیک‌لری
تورکیه‌نین دینج شهری ایزمیرین سفری‌حصار ائلچه‌سی طبیعی زنگین‌لیگی ایله دقت چئکیر
تورکیه‌نین دینج شهری ایزمیرین سفری‌حصار ائلچه‌سی طبیعی زنگین‌لیگی ایله دقت چئکیر.
دوغا میراثی پروژه‌سی ایله ائلچه‌ده ۳۰۰دن چوخ یئنی بیتکی و حیوان نؤوعو کشف ائدیلرک قید آلتینا آلیندی. ائلچه‌ده‌کی بیتکی و حیوان تورلرینی قید آلتینا آلما پروژه‌سینه ٤۱ آراشدیرماچی قاتیلدی. پروژه ایله سفری‌حصاردا قیده آلینمیش بیتکی نؤوعو ساییسی ۲٤٦دان ٥٥۱ نؤوعه یوکسلدی. آنادولو مازی مئشه‌سی، قیویرجیق لاله ایله ۱۸ یئنی اورکیده نؤوعو بللی اولوندو. آراشدیرما سیراسیندا ۹ بؤیوک ممه‌لی نؤوعو ده ایلک دفعه تثبیت ائدیلدی. آنا وطنی هیندیستان اولان اوخلو کیرپی بونلاردان بیری.
بوز یئل‌قووان قوشونون تورکیه‌دکی تک اوره‌مه کولونیسی سیغاجیق کؤرفزینده کشف ائدیلدی. آراشدیرمادا اورتایا چیخان بیر ماراق‌لی نقطه ده گئچی‌لرین، سانیلانین عکسینه طبیعت دوستو اولدوق‌لاری. اوتلاق اورمان‌لاردا اوتلایان گئچی‌لر آزالدیقجا بیتکی نؤوع‌لری‌نین مثلا اورکیده‌نین ساییسی‌نین آزالدیغی بللی اولوندو.
ایلگیلی‌لی خبرلر
وانواتودا 6.1 ریشتر گوجونده زلزله باش وئریب
زلزله‌دن سونرا جان و مال ایتکیسی قیده آلینماییب، سونامی خبردارلیغی ائدیلمه‌ییب
