تۆرکیه‌نین صادراتی ژانویه آییندا آرتدی
تۆرکیه استاتیستیک قورومو و تیجارت باخانلیغی امکداشلیغییلا اولوشدورولان ژانویه آیینا باغلی گئچیجی خاریجی تیجارت رقملری آچیقلاندی
تۆرکیه‌نین صادراتی ژانویه‌ده گئچه‌ن ایلین عینی آیینا گؤره یۆزده ۳،۵ آرتاراق ۱۹ میلیارد ۹۹۱ میلیون دلار، وارداتی یۆزده ۲۲ آزالاراق ۲۶ میلیارد ۲۱۸ میلیون دلار اولاراق گئرچکلشدی.
تۆرکیه استاتیستیک قورومو (تویک) و تیجارت باخانلیغی امکداشلیغییلا اولوشدورولان ژانویه آیینا باغلی گئچیجی خاریجی تیجارت رقملری آچیقلاندی.
بونا گؤره، عمومی تیجارت سیستمی چرچیوه‌سینده صادرات، ژانویه‌ده گئچه‌ن ایلین عینی آیینا مقایسه‌ده یۆزده ۳،۵ آرتاراق ۱۹ میلیارد ۹۹۱ میلیون دلار، واردات ایسه یۆزده ۲۲ آزالاراق ۲۶ میلیارد ۲۱۸ میلیون دلار اولدو.
خاریجی تیجارت آچیغی/کسری، ژانویه‌ده گئچه‌ن ایلین عینی آیینا گؤره یۆزده ۵۶،۴ آزالاراق ۶ میلیارد ۲۲۷ میلیون دلارا دۆشدو.
ژانویه آییندا اؤلکه‌لر اولاراق صادراتدا ایلک سیرانی ۱ میلیارد ۷۶۲ میلیون دلارلا آلمانیا آلدی.
بو اؤلکه‌نی ۱ میلیارد ۲۲۴ میلیون دلارلا آمریکا بیرلشمیش دؤولتلری، ۱ میلیارد ۹۷ میلیون دلارلا عراق، ۱ میلیارد ۲۲ میلیون دلارلا بیرلشمیش کراللیق و ۹۹۹ میلیون دلارلا ایتالیا ایزله‌دی.
سؤزو گئدن آیدا ایلک ۵ اؤلکه‌یه ائدیله‌ن صادرات، توپلام صادراتین یۆزده ۳۰،۵ینی اولوشدوردو.
ژانویه آییندا وارداتدا ایسه ایلک سیرا روسیانین اولدو.
روسیادان ائدیله‌ن وارداتین مبلغی ۴ میلیارد ۳۲۴ میلیون دلار اولاراق حسابلانارکه‌ن، بو اؤلکه‌نی ۲ میلیارد ۸۹۳ میلیون دلارلا چین، ۱ میلیارد ۹۱۸ میلیون دلارلا آلمانیا، ۱ میلیارد ۴۰۲ میلیون دلارلا آمریکا بیرلشمیش دؤولتلری، ۱ میلیارد ۱۸۷ میلیون دلارلا ایتالیا ایزله‌دی.
ایلک ۵ اؤلکه‌دن ائدیله‌ن واردات، توپلام وارداتین یۆزده ۴۴،۷سینی اولوشدوردو.
ایلگیلی‌لی خبرلر
تورکیه-نین قیرغیزیسیتانا سیمان محصول‌لاری صادراتی‌نین حجمی آچیقلانیب
ژانویه-مارس آیلاریندا تورکیه-نین قیرغیزیسیتانا سیمان محصول‌لاری صادراتی‌نین حجمی آچیقلانیب.
