تورکیه ایله ماجاریستان آراسیندا گاز صادراتی آنلاشماسی ایمضالاندی
تورکیهنین بوتاش شیرکتی ایله ماجاریستان دؤولت شیرکتی امویام سیای انرژی آراسیندا تاریخی بیر طبیعی گاز صادرات آنلاشماسی ایمضالاندیغی بیلدیریلدی
تورکیهدن ماجاریستانا طبیعی گاز صادراتی قونوسوندا ایکی اؤلکه آراسیندا آنلاشمایا واریلدی.
بورو خطلری ایله نفت داشیما آنونیم شیرکتیندن (بوتاش) وئریلهن آچیقلامادا، تورکیهنین انرژی ساحهسینده استراتژیک هدفلری و طبیعی گازدا مرکز اؤلکه اولما ویزیونو ایستیقامتینده بوتاش ایله ماجاریستان دؤولت شیرکتی امویام سیای انرژی آراسیندا تاریخی بیر طبیعی گاز صادرات آنلاشماسی ایمضالاندیغی بیلدیریلدی.
آچیقلامادا، دونهن ماجاریستاندا گئرچکلشدیریلن مراسیمده تاریخی آنلاشمایا انرژی و طبیعی قایناقلار باخانی آلپآرسلان بایراقدار و ماجاریستان انرژی باخانلیغی توپلوم یؤنهتیمیندن مسئول مشاویری و امویام سیای انرژی یؤنهتیم قورولو باشقانی گابور جپکین حمایهلرینده بوتاش باش مودورو و یؤنهتیم قورولو باشقانی بورهان اؤزجان ایله امویام سیای انرژی اوست ایدارهچیسی لازلو فریتشین ایمضا آتدیغی بیلدیریلدی.
تورکیهدن ماجاریستانا طبیعی گاز گؤندریمینین گلهجک ایلدهن اعتباراً باشلاماسینین اؤن گؤرولدوگو ایفاده ائدیلهن آچیقلامادا، آنلاشمانین تورکیهنین الانجی آلت یاپیسینین و ایکی اؤلکه طبیعی گاز ییغما تاسیسلرینین اورتاق چیخارلاری چرچیوهسینده ایستیفاده ائدیلمهسینه دایر امکداشلیغی دا احتیوا ائتدیگی دیله گتیریلدی.
ایلگیلیلی خبرلر
آنتالیایا 2 میلیونا یاخین خاریجی توریست گلیب
آنتالیایا خاریجدن گلن قوناقلارین سایی 1 میلیون 870 مین نفردیر
مالتا-دان تورک لیمانلارینا 1 میلیون توندان چوخ یوک داشینیب
ژانویه-مارس آیلاریندا مالتا-دان تورک لیمانلارینا 1 میلیون توندان چوخ یوک داشینیب.