اردوغان، کابینه توپلانتیسیندان سونرا میللته سسلندی
"سئویندیریجی اولان ایسه بوتون بو تابلو ایچریسینده تورکیهنین یاتیریم، استخدام، اۆرهتیم، صادرات و جاری آرتیق یولو ایله بؤیومهیه دایانان اقتصادی پروگرامینی حیاتا گئچیرمهیه داوام ائتمهسیدیر"
جمهورباشقانی رجب طیب اردوغان، تورمو ۲۰۲۳.جو ایلین سونوندا یۆزده ۲۰لر سویهسینه دۆشورمک اوچون اللریندن گلهنی ائتمک عزمینده اولدوقلارینی سؤیلهدی.
جمهورباشقانی، جمهورباشقانلیغی ساراییندا کابینه توپلانتیسیندان سونرا میللته سسلندی.
اردوغان، ساغلیق و گۆونلیکله یاناشی، انرژیدن غذایا اینسانلیغین اساس احتیاجلاری ایله باغلی سورونلارین گئدرک آرتدیغینی، تورکیهنی بو عمومی گئدیشدن آییراجاق چالیشمالارا آغیرلیق وئردیکلرینی بیلدیردی.
کۆرهسل بحرانلارین سبب اولدوغو بیر باشقا سورونون تورم و باهالیق اولدوغونا ایشاره ائدن اردوغان:
"مال قیمتلریندهکی آرتمانین ان اؤنملی عامیلی اولان خاریجی سببلرین ثابیتلیگه قوووشماسینین بیر قدر زامان آلاجاغی گؤرولور./.../ سئویندیریجی اولان ایسه بوتون بو تابلو ایچریسینده تورکیهنین یاتیریم، استخدام، اۆرهتیم، صادرات و جاری آرتیق یولو ایله بؤیومهیه دایانان اقتصادی پروگرامینی حیاتا گئچیرمهیه داوام ائتمهسیدیر.
تورمون ۲۰۲۳-.جو ایلین سونوندا یۆزده ۲۰لر سویهسینه، ۲۰۲۴.جو ایلده ایسه تک رقمه دۆشورمک اوچون اللریندن گلهنی ائتمک عزمینده اولدوقلارینی وورغولایان جمهورباشقانی، بو گۆنه قدر اولدوغو کیمی، بوندان سونرا دا یاتیرمچینی تشویق ائتمهیه، استخدامی دستکلهمهیه، اۆرهتیچینین و صادراتچینین یانیندا اولماغا داوام ائدجکلرینی بیلدیردی.
ایلگیلیلی خبرلر
چین-دن تورک لیمانلارینا 3 میلیون توندان چوخ یوک داشینیب
ژانویه -مارس آیلاریندا چیندن تورک لیمانلارینا 3 میلیون توندان چوخ یوک داشینیب.