تورکیه‌نین توریزم هدفلری آچیقلاندی

تورکیه‌نین ۲۰۲۳ توریزم گلیری گؤزلنتیسی ۵۰ میلیارد دلار، قوناق ساییسی ایسه ۵۸،۸ میلیون‌ اولاراق معین ائدیلدی.

رسمی قزئتیده یاییملانان ۲۰۲۳ ایلی جمهورباشقانلیغی ایللیک پروگرامیندا توریزم هدفلری ده یئر آلدی.

پروگرامدا فرقلی توریزم قوللاریندا حیاتا گئچیریله‌ن فعالیتلر، تانیتیم و توریزم رقملرینه ایله باغلی بیلگیلره یئر وئریلرک، گلن ایل ​​اوچون آماج و هدفلر باشلیقلار آلتیندا سیرالاندی.

بونا گؤره، دییشه‌ن تۆکه‌تیچی میلی و تکنولوژیک گلیشمه‌لره اویغون اولاراق توریزمین چئشیدلندیریلمه‌سی و گلیشدیریلمه‌سی، مؤوسومون اوزادیلماسی، خیدمت کیفیتینین آرتیریلماسی و داها چوخ خرجله‌مه میلی اولان توریستلرین چکیلمه‌سی هدفلنیر.

بو ایلین سونوندا ۴۱ میلیارد دلاری کئچمه‌سی گؤزله‌نیله‌ن توریزم گلیرینین ۲۰۲۳ ایلی اوچون ۵۰ میلیارد دلار، توریست ساییسینین ایسه ۶۰ میلیونا یاخینلاشاماسی گؤزله‌نیلیر.

ایللیک پروگرام چرچیوه‌سینده چین، هیندیستان، ژاپن و گونئی کره‌نین داخیل اولدوغو اوزاق دوغو بازاریندان گلن قوناقلارین ساییسینی آرتیرماق اوچون تور اوپراتورلارلا رئکلام کمپینلری و تانیتیم فعالیتلری حیاتا گئچیریله‌جک.