تورک هاوا یوللاری ایکینجی اولدو

تورک هاوا یوللاری، گون‌لوک ۱۳۲۳ سفرله آوروپادا ان چوخ اوچوشو اولان ایکینجی هاوا یولو اولدو. 

آوروپا هاوا سیر و سفر گوونلیگی تشکیلاتینین (یوروکنترل)، ۱۹-۲۵ جولای تاریخلری آراسین‌داکی هاوا ترافیکی معلوماتلارینا گؤره، آوروپا هاوا یولو ترافیکین‌ده‌کی یوکسلیش داوام ائدیر. بو تاریخلرده آوروپادا ۱۶۶ مین ۵۳۸ اوچوش ائدیلدی.

کورونا قیسیدلامالارین بؤیوک نیسبت‌ده قالخماسییلا ایرلند هاوا یولو فیرماسی رایان‌ایر، گونلوک ۲ مین ۱۹۱ اوچوشلا آوروپانین ان چوخ اوچان هاوا یولو اولدو.

تورک هاوا یوللاری، گونلوک ۱۳۲۳ اوچوشلا ایکینجی سیرادا یئر آلیرکه‌ن ۱۰۲۲ سفرله ایزی‌جت هاوا یولو اوچونجو اولدو.

پگاسوس هاوا یوللاری دا آوروپادا ان چوخ اوچان هاوا یوللاری لیستینده ۸. سیرادا یئر آلدی. پگاسوسون گونلوک اوچوش ساییسی ۵۲۶ اولاراق آچیقلاندی.