تورکیه‌نین ساوونما و هاواچیلیق صادراتی آرتدی

تورکیه‌دن ایلین ایلک ۵ آیین‌دا تخمیناً ۱ میلیارد ۱۲۰ میلیون دلارلیق ساوونما و هاواچی‌لیق صنایعی محصولو صادراتی ائدیلرکه‌ن آفریقایا ساتیشلاردا ایللیک اولاراق ثبت ائدیلن ۱۱ قاتلیق آرتیش دقت چکدی.

ژانویه-می دؤنمین‌ده گرچکلشدیریلن صادرات، ایللیک اولاراق یوزده ۳۸،۳ آرتاراق ۸۵،۲ میلیارد دلارا چاتدی.

سؤز قونوسو دؤورده تورکیه‌نین ساوونما و هاواچی‌لیق صنایع محصولو صادراتی دا یوزده ۴۸،۳ آرتاراق ۱ میلیارد ۱۲۰،۱ میلیون دلار سویه‌سینده گرچکلشدی.

ساوونما و هاواچی‌لیق صنایعی صادراتینین ایلین ایلک ۵ آیین‌دا اؤلکه‌لره گؤره داغیلیمینا باخیلدیغین‌دا ایسه آمریکا بیرلشمیش دؤولتلرینین ایلک سیراداکی یئرینی قورودوغو گؤرولدو. بو سیرالامادا آمریکانی آذربایجان ایزله‌دی. صادرات‌دا بو اؤلکه‌لری بیرلشمیش عرب امیرلیکلری، آلمانیا و بنگلادش ایزله‌دی.

بو دؤورده تورکیه‌نین چینه صادراتی ۲۷ مین دلاردان ۱۰،۱ میلیون دلارا، تونسه ۱۰۹ مین دلاردان ۲۹،۳ میلیون دلارا، اردنا ۱۰۰ مین دلاردان ۱۹،۲ میلیون دلارا، اؤزبکیستانا ۲۲۳ مین دلاردان ۲۰،۹ میلیون دلارا چیخدی.