تورک هاوا یوللاری اؤدول آلدی

هر ایل قلوبال اؤلچکلی هاوا یولو شیرکتلرینین سیاحت ستلرینی و یولچولارا سوندوغو دیگر اؤنملی خیدمتلری اؤدوللندیرن "تراول پلاس" تشکیلاتی، تورک هاوا یوللارینی ۴ کتگوریده اؤدوله لایق گؤردو.

تورک هاوا یوللاری مطبوعات مشاویرلیگین‌دن وئریله‌ن آچیقلامایا گؤره، تراول پلاس تشکیلاتینین بو ایلکی دگرلندیرمه‌سین‌ده کتگوریلرین مضمونو، سالقین سوره‌جی ایله اویغون اولاراق "تمیزلیک"، "سوردوروله‌بیلیرلیک" و "ساغلیق" ساحه‌لرین‌ده‌کی یئنی استانداردلار دقته آلیناراق شکیللندیریلدی.

بو چرچیوه‌ده تورک هاوا یوللاری، قوناقلارینا سوندوغو تمیزلیک ستی، پتو و قولاقلیقلارین پاکتله‌مه‌سینده قوللانیلان کامپوزیت آمبالاژلار، اوشاق یولچولار اوچون اؤزل حاضرلانان اویونجاق ستلری، اوچاق ایچی ایله‌نجه سیستمی و اوچوش سیراسین‌دا یولچولارا بنزرسیز بیر سیاحت تجروبه‌سی یاشادان "پلانت" ایله اؤنه چیخدی.

تورک هاوا یوللاری، "یولچو تمیزلیک کیتی"، "سوردوروله‌بیلر آنبالاژ گیریشیمی"، "اوشاق ساغلیغی گیریشیمی" و "یولچو ساغلیغی تکنولوژیسی" کتگوریلرین‌ده "گولد استاندارد" اؤدولینه لایق گؤرولدو.