۱۰۰ مین اوچوش حیاتا گئچیریلدی

ایستانبول هاوا لیمانین‌دان ۶ آوریل - جولای تاریخلری آراسین‌دا توپلام ۱۰۰ مین اوچوش حیاتا گئچیریلدی.

ایستانبول هاوا لیمانی ایشلتمه‌چیسی ایگادان وئریله‌ن معلوماتا گؤره، ایستانبول هاوا لیمانی، یولچولوق تجروبه‌سینی یوکسک بیر ممنونیتله دؤنوشدورمه هدفینه بوتون سرعتیله ایرلیله‌ییر.

۶ آوریل‌دن بو یانا تام گوجو ایله خیدمت سونمایا باشلایان ایستانبول هاوا لیمانی، ۶ آوریل - ۱ جولای تاریخلری آراسین‌دا ۱۰۰ مینینجی سفرینی حیاتا گئچیره‌رک یئنی بیر غورور یاشادی.

تورکییه‌نین هاواچیلیقدا کۆره‌سل میقیاس‌داکی ان بؤیوک پروژه‌لرین‌دن اولان یالنیز ایستانبول و یا تورکییه دئییل، بؤلگه و دونیا نزدین‌ده ده بیر چکیم نقطه‌سی اولماق گؤره‌وینی داشییان ایستانبول هاوا لیمانی، یولچو ساییلارینداکی آرتیشلا دا اؤنه چیخدی.

۱-۳۰ ژوئن ۲۰۱۹ تاریخلری آراسین‌دا توپلام ۵ میلیون ۹۸۳ مین ۴۸۸ یولچو ایستانبول هاوا لیمانینی قوللانیرکن، بو رقم اؤتن ایلین عینی دؤورون‌ده آتاتورک هاوا لیمانینی قوللانان یولچو ساییسین‌دان یوزده ۷،۴ داها یوکسک.

ایستانبول هاواآلانینی تام گوجو ایله خیدمت وئرمه‌یه باشلادیغی ۶ آوریل ۲۰۱۹دان بو گونه قدر ایچ خطلر و دیش خطلر اولماق اوزره توپلامدا ۱۵ میلیون ۹۸۸ مین ۷۴۸ یولچو قوللانیرکن، بو یولچولارین داغیلیمینا باخیلدیغیندا اولوسلارآراسی اوچوشلاردا ۱۱ میلیون ۹۴۶ مین ۷۴۰ یولچو، ایچ خطلرده ایسه ۴ میلیون ۴۲ مین ۸ یولچونون هاوا لیمانین‌دان اوچدوغو گؤرونور.

ایللیک ۹۰ میلیون یولچو توتومو ایله یولچولارینی آغیرلایان دونیانین یئنی هاواچیلیق مرکزی ایستانبول هاوا لیمانی، بوتون فازلاری باشا چاتاندان سونرا ایلده ۲۰۰ میلیون یولچویا خیدمت وئره‌جک.