روسیا: نفت 30 دولارا دوشهبیلر
روسیا باش ناظیرینین معاوینی و مالیه ناظیری آنتون سیلوانوو نفت قیمتلرینین بوشکا باشینا 30 دولارا دوشهبیلهجگینی سؤیلهدی
روسیادان "نفت 30 دولارا دوشهبیلر" یورومو
روسیا باش ناظیرینین معاوینی و مالیه ناظیری آنتون سیلوانوو نفت قیمتلرینین بوشکا باشینا 30 دولارا دوشهبیلهجگینی سؤیلهدی.
سیلوانوو، روسیا پارلامنتی دوما آلت قانادیندا ائتدیگی چیخیشیندا، نفت ایخراجاتچی اؤلکهلر تشکیلاتی (اوپک) و بعضی اوپک اؤلکهلری آراسیندا نفت اورهتیمی محدودلاشدیرما آنلاشماسینین گلهجگینه دایر غیری-معینلیک داوام ائتدیگینی سؤیلهدی.
سیلوانوو، اوپک و غیری-اوپک اؤلکهلری آراسیندا اورهتیم محدودیتینین اوزادیلماماسی حالیندا، نفت قیمتلری بیر بوشکا اوچون 30 دولارا دوشهبیلجگینی سؤیلهدی.
روسیانین انرژی ناظیری آلکساندر نوواک ژورنالیستلره ائتدیگی آچیقلامادا، نفت قیمتلرینین 30 دولارا دوشهبیلجگینی قبول ائتدی.
هر شئی تیجارت ساواشلاری و تحریملر کیمی غیری-معینلیکلر سببیندن بو ایلین ایکینجی یاریسیندا نفت بازارلاریندا نه باش وئرجگیندن آسیلیدیر. " دگرلندیمهسینی ائتدی.
سعودی عربیستانینین انرژی، صنایع و معدن قایناقلاری ناظیری خالید الفالح، یاخینلاردا ائتدیگی آچیقلامادا، نفت بازارلاری ایله علاقهدار روسیا ایله مثبت دانیشیقلار ائتدیکلرینی بیلدیرهرک،
"امینم کی، اوپک و بعضی اوپکدن اولمایان اؤلکهلری آراسیندا نفت گلیرلری محدودلاشدیرما آنلاشماسی اوزادیلاجاق." ایفادهسی ایستیفاده ائتدی.
نفت قیمتلرینده دییشیکلیکلر سببیله، اوپک ایله روسیانین لیدرلیگینده اولان بعضی اوپک نفت اورهتن اؤلکهلر اورهتیمی کسمه راضیلاشماسینا گئتدی. گوندهلیک 1.2 میلیون بوشکالیک بیر ائندیریم نظرده توتان آنلاشما بو آی باشا چاتیر.
ایلگیلیلی خبرلر
چین-دن تورک لیمانلارینا 3 میلیون توندان چوخ یوک داشینیب
ژانویه -مارس آیلاریندا چیندن تورک لیمانلارینا 3 میلیون توندان چوخ یوک داشینیب.