مدودو:"تورک آخینی"نین بولقاریستان‌دان کئچمه‌سی اوچون آوروپا بیرلیگیندن ضمانت آلینمال‌دیر"
روسیانین باش ناظیری دمیتری مدودو "تورک آخینی”نین بولقاریستان‌دان کئچمه‌سی اوچون صوفیانین آوروپا بیرلیگیندن لاییحه‌نین دایاندیریلمایاجاغینا دایر ضمانت‌لر آلماسی‌نین واجیب‌لیگینی وورغولاییب.
روسیانین باش ناظیری دمیتری مدودو "تورک آخینی”نین بولقاریستان‌دان کئچمه‌سی اوچون صوفیانین آوروپا بیرلیگیندن لاییحه‌نین دایاندیریلمایاجاغینا دایر ضمانت‌لر آلماسی‌نین واجیب‌لیگینی وورغولاییب.
"اسپوتنیک" خبرینه گؤره، بولقاریستاندا درج اولونان Trud قزئتینه موصاحیبه وئرن مدودو دئییب: "تورک آخینی" لاییحه‌سی‌نین بولقاریستان، صربیستان و ماجاریستان‌دان کئچمه‌سی احتیمالی اوزرینده ایشلییریک. بولقاریستان یاخین زاماندا قاز نقلیاتی سیستمی‌نین اینکیشافینا دایر سرمایه قویما قراری قبول ائتدی. تیکینتی ایشلری‌نین باشلاماسی اوچون یول آچیق‌دیر. آنجاق بونون کیمی بؤیوک و باها‌لی لاییحه اوچون علاوه ضمانت‌لر لازیم‌دیر. یئنی بورو کمری "گونئی آخینی"نین حزین عاقبتینی تکرارلاماما‌لی‌دیر. "تورک آخینی"نین بولقاریستان‌دان کئچیریلمه‌سی رسمی صوفیانین آوروپا بیرلیگیندن بو بورو کمری ایله گاز نقلیاتی پلان‌لارینا مانع اولوب اولمایاجاغینا دایر گوج‌لو ضمانت‌لر آلماسیندان آسیلی دیر".
مدودو "تورک آخینی"نین هارا‌دان اوزادیلاجاغینا دایر سئچیمین عمومی لیکده گاز نقلیاتی قورولوشونون حاضرلیق وضعیتیندن، همین اؤلکه‌لرین حکومت‌لری‌نین لاییحه ایله هانسی سویه‌ده ماراقلاندیقلاریندان و دقیق آددیم آتمالاریندان آسیلی اولدوغونو وورغولاییب.
مدودو "گاز ساحه‌سینده اؤلکه‌لریمیز آراسیندا امکداش‌لیق ائدیلمه‌سی‌نین ایقتیصادیات‌لاریمیزین منفعتینه اولاجاغیندان آرخایینیق. هم روسیانین هم بولقاریستانین، همین زاماندا آوروپانین دا منفعتینه اولا‌جاق‌دیر" دئییب.
قئید ائدک کی، بولقاریستان 2014-جو ایلده آوروپا کمیسیونونون تاکیدلرینه گؤره "گونئی آخین" طبیعی گاز کمری لاییحه‌سیندن چکیلمیشدی.
ایلگیلی‌لی خبرلر
تورکیه-نین روسیا-یا حاضیر گئییم محصول‌لاری صادراتی آزالیب
ژانویه -مارس آیلاریندا تورکیه-نین روسیا-یا حاضیر گئییم محصول‌لاری صادراتی آزالیب.
