ایرانین نفتینه آلیجی چیخمادی

تهران، اکتبر آییندان اعتبارا نفتی بورسدا ساتماغا باشلادی

ایرانین نفتینه آلیجی چیخمادی

ایرانین، تهران انرژی بورسوندا بوشقا باشینا ۵۶ دلار ۲۴ سنت‌دن ساتیشا چیخاردیغی ۱ میلیون بوشقا خام نفته آلیجی چیخمادی.

ایران مئدیاسین‌دا یئر آلان خبرلره گؤره، میلی نفت شیرکتینین ایران انرژی بورسوندا دونن بوشقا باشینا ۵۶ دلار ۲۴ سنت اوزرین‌دن ساتیشا چیخاردیغی ۱ میلیون بوشقا خام نفته آلیجی چیخمادی.

تهران رهبرلیگی، آمریکا بیرلشمیش ایالتلری تحریملرینی آشماق اوچون اکتبر آییندان اعتبارا نفتی بورسدا ساتماغا باشلادی.

ایران نفت باخانلیغینا باغلی میلی نفت شیرکتی، ایلک دفعه ۲۸ اکتبردا بورسدا ساتیشا قویولان ۱ میلیون بوشقا خام نفتی، بوشقا باشینا ۷۴ دلار ۸۵ سنت اوزرین‌دن، ۱۱ نوامبردا ایکینجی دفعه بورسدا ساتیشا قویدوغو ۷۰۰ مین بوشقا نفتی ایسه ۶۴ دلار ۹۷ سنت‌دن ساتمیشدی.

ساتیشلار یوزده ۲۰ ریال، یوزده ۸۰ ارز اوزرین‌دن حیاتا گئچیریلمیشدی.

ایرانین اوچونجو دفعه بورسا قویدوغو نفت ده ساتیلمامیشدی.

آمریکانین، ایرانین نفت صادراتی ایله ۷۰۰دن آرتیق بانک، شیرکت و اؤلکه وطنداشینا قارشی تحریمی ۵ نوامبردا قوه‌یه مینمیشدی.

ایرانین دینی لیدئری علی خامنه‌ای، داها اول بیر دانیشیغیندا، آمریکا تحریملر سببی ایله نفت ساتیشین‌دا یؤنتم چئشیدلی‌لیگینه گئدیلمه‌سی و اؤزل سئکتورون ده بو ایشده رول اویناماسی لازیم اولدوغونو بیلدیرمیشدی.

برنت نفتین بوشقاسی اولوسلارآراسی بازارلاردا ۶۲،۷۲ دلاردان ایشلم گؤرور.


اتیکتلر: دلار , بورس , نفت

ایلگیلی‌لی خبرلر