اولترا زنگینلرین ساییسی آرتدی
دلار اساسیندا ان یوکسک آرتیش ایسه میلیاردرلر کاتگوریسینده اولوب اکثریتینی آسیالیلار تشکیل ائتدی
دونیادا اولترا زنگینلرین هم ساییسی، هم ثروتی آرتدی.
دونیا اولترا زنگینلر راپورونون آلتینجیسی یاییملاندی.
راپورا گؤره، دونیادا ۳۰ میلیون دلار و اوستو ثروته صاحب اینسانلارین ساییسی ۲۰۱۷ده بیر اولکی ایله گؤره یوزده ۱۲،۹ آرتیش قید ائدرک ۲۵۵ مین ۸۱۰ نفره یوکسلدی.
۲۰۱۶.جی ایلدهکی آرتیش ایسه یالنیز یوزده ۳،۵ اولموشدو.
راپورا گؤره ۲۰۱۷ سونوندا عمومی اولترا یوکسک تام وارلیق (UHNW) بیر اولکی ایله گؤره یوزده ۱۶،۳ آرتاراق ۳۱،۵ تریلیون دلارا چاتدی.
۲۰۱۷ اوچون یئنه دلار اساسیندا ان یوکسک آرتیش ایسه میلیاردرلر کاتگوریسینده اولدو و اکثریتینی آسیالیلار تشکیل ائتدی.
دونیا اوزره توپلام UHNW ایچریسینده میلیاردرلرین نیسبتی یوزده ۱،۱ اولاراق گؤرونور، آنجاق توپلام UHNWنین یوزده ۲۹و بو میلیاردرلره عاید.
بو اولترا زنگینلرین یوزده ۴۸ینی ایسه ۳۰ ایله ۵۰ میلیون دلار آراسیندا بیر ثروته صاحب اولانلار تشکیل ائدیر.
UHNW ایچریسیندهکی قادینلارین ساییسیندا دا آرتیش باش وئردی و ۳۵ مین نفره یاخینلاشاراق توپلام اولترا زنگینلرین ایچینده یوزده ۱۳،۷لیک پایا صاحب اولدو.
دونیادا ان بؤیوک اولترا یوکسک تام وارلیغا صاحب شهرلر ایچریسینده هنگ کنگ ایلک دفعه نیویورکو گئچهرک بیرینجیلییه اوتوردو. چینده بیر چوخ شهرده اؤنملی آرتیشلار باش وئررکهن ان آشاغی آرتیش نیسبتی نیویورکدا باش وئردی.
آسیا و لاتین آمریکا، قارهلر آراسیندا ان جدی UHNW آرتیشلارینی گؤستررکهن دیگر قارهلرده ده آرتیش قیده آلیندی.
آسییا یوزده ۲۷ ایله ان سرعتلی UHNW آرتیشی یاشایان قاره اولدو.
۲۰۱۷ده ان چوخ اولترا زنگینه صاحب ایلک ۱۰ اؤلکه: آمریکا، ژاپن، چین، آلمانیا، کانادا، فرانسا، هنگ کنگ، اینگیلتره، سوئیس و ایتالیا.
ایلگیلیلی خبرلر
تورکیه ایلین ایلک ربعونده 2 مین 133 تن بال ایخراج ائدیب
بال ایخراجاتیدا 16-جی یئرده اولان تورکیه ایلین ایلک ربعونده 2 مین 133 تن بال ایخراج ائدیب