تورک هاوا یوللاری یئنه یوکسکلرده
تورک هاوا یوللاری، تورکیه‌یه ان چوخ ارز قازاندیران شیرکت اولدو
تورک هاوا یوللاری (ت.ه.ی)، ۲۰۰۸دن بری ذیروه‌ده اولدوغو فورچون ۵۰۰ تورکیه‌نین صادرات سیرالاماسین‌دا بو ایل ده یئرینی قورودو.
ت.ه.ی‌دن وئریله‌ن معلوماتا گؤره، گؤی اوزون‌ده‌کی یولچولوغونو ۸۵ ایلدیر داوام ائتدیره‌ن شیرکت، تورکیه‌نین بؤیومه پروسه‌سین‌ده ده بایراق داشیییجی اولماغا داوام ائتدی.
ت.ه.ی، فورچون ۵۰۰ تورکیه چرچیوه‌سین‌ده ۸ میلیارد ۵۰ میلیون دلارلیق خیدمت صادراتی ایله تورکیه‌یه ان چوخ ارز قازاندیران شیرکت اولدو.
شیرکت، بئله‌لیکله ۲۰۰۸دن بو یانا ذیروه‌ده یئر آلدیغی فورچون ۵۰۰ تورکیه سیرالاماسین‌دا بو ایل ده صادرات شامپیونو عنوانینی قورودو.
سون ۱۰ ایلده داوام ائتدیردیگی یوکسلیشله دونیانین ان یاخشی هاوا یولو شیرکتلری آراسین‌دا یئرینی آلان و ۱۲۲ اؤلکه‌ده اوچدوغو ۳۰۴ نؤقطه ایله یولچولارینا گئنیش بیر اوچوش شبکه‌سی سونان ت.ه.ی، تورکیه‌نین مارکا ائلچی‌سی اولماغین قورورونو یاشاییر.
ت.ه.ی، اؤلکه اقتصادینا خیدمت و استخدام ساحه‌لرین‌ده وئردیگی قاتقی‌لارلا یاناشی ان چوخ تانینان تورک مارکاسی اؤزللیکلری ایله ده اؤنه چیخیر.
ایلگیلی‌لی خبرلر
تورکیه‌نین صنایع ایستحصالی آرتدی
تورکیه استاتیستیک تشکیلاتی (تویک) نتیجه‌لرینه گؤره، صنایع ایستحصالی ایندکسی یوزده 4.3 آرتیب
