نفت 40 سنت اوجوزلاشدی

امریکانین نفت و بنزین ذخیره لرینین کسکین آرتماسی قیمت‌لری اوجوزلاشدیریب.

انرژی ناظیرلیگی‌نین رسمی راپورونا گؤره، اؤتن هفته اؤلکه‌نین نفت ذخیره لری 5،78 میلیون بوشقا، بنزین ذخیره لری ایسه 1،88 میلیون بوشقا آرتیب.

هفته‌نین اولینده سورغویا جلب اولونان آنالیتیک‌لر نفت ذخیره لرینین 1،7 میلیون بوشقا، بنزین ذخیره لرینین ایسه 620 مین بوشقا آرتاجاغینی تخمین ائتمیشدی. لاکین آرتیم تخمینلردن چوخ اولوب، نتیجه‌ده 79،81 دو‌لارا ساتیلان "برنت" نفتی‌نین قیمتی اوجوزلاشا‌راق 79،43 دو‌لار تشکیل ائدیب.

غربی تگزاس نفتی‌نین قیمتی ده 72 دو‌لاردان آشاغی دوشوب. آخشام سئانس‌لاریندا 72،06 دو‌لارا ساتیلان WTİ نفتی حاضیردا 71،56 دو‌لاردان تکلیف اولونور.

صاباح امریکادا اوره تیمه جلب اولونان قویولارین سایینا دایر نوبتی راپور آچیق‌لانا‌جاق. سیاسی عامل‌لرله یاناشی، بو راپوردا دا هفته سونو نفتین قیمتینه تأثیر گؤسترن اساس عامل‌لردن بیری اولا‌جاق.