آوروپا بیرلیگیندن آمریکایا علاوه گؤمروک وئرگیسی اعراضی
آمریکانین ایدخال پولاد و آلومینیوم علاوه گؤمروک وئرگیلری گتیریلهجگینی چاتدیرماسی ایله آوروپا بیرلیگی، آمریکانین بؤلگهیه ائتدیگی ایخراجا قارشی تدبیرلر گؤرجگینی بیلدیرمیشدی
آوروپا بیرلیگی کومیسیونونون بیرینجی باشقان یاردیمچیسی فرانس تیمرمانس، آمریکانین ایدخال پولاد و آلومینیوم علاوه گؤمروک وئرگیلری ایجرا ائتمک قرارینین میللی امنیت نیگرانلیغی ایله نئجه اویغون گلدیگینی آنلامادیغینی آنجاق لازیم گؤرولسه قارشی تدبیرلرین آلیناجاغینی بیلدیریب.
تیمرمانس، بیر کونفرانسدا ائتدیگی چیخیشیندا،
اگرآمریکا پرزیدنتی دونالد ترامپ آلاجاغی قرارلارین امنیتله باغلی اولدوغونو سؤیلهییرسه، او حالدا بو علاوه گؤمروک وئرگیلرینی بیزه تطبیق ائتمهسینه احتیاج یوخدور. آوروپانین پولادی آمریکایا نئجه بیر امنیت تهدیدی یارادا بیلر؟ دئیه دانیشدی.
آوروپا بیرلیگینین بعضی قارشی تدبیرلر گؤرمهیه حاضیر اولدوغونو خاطیرلادان تیمرمانس، بو تدبیرلرین دونیا تیجارت تشکیلاتی (WTO) قایدالاری اویغون اولاجاغینی وورغولاییب.
آمریکانین ایدخال پولاد و آلومینیوم علاوه گؤمروک وئرگیلری گتیریلهجگینی چاتدیرماسی ایله آوروپا بیرلیگی، آمریکانین بؤلگهیه ائتدیگی ایخراجا قارشی تدبیرلر گؤرجگینی بیلدیرمیشدی.
آوروپا بیرلیگی، آمریکایا جواب اولاراق یوزده 25 گؤمروک وئرگیسی تطبیق ائتمگی پلانلاشدیردیغی محصول سیاهیسی حاضیرلیغینا باشلامیشدی.
بو سیاهیده فیستیق ازمهسی، کوت شالوار، موتوسیکلت، اؤرتو/ چرشاپ، پوماد، پولاد گاز تانگی، هادئلنمیش پولاد، بورو، کپسول، قیزارت، ال اوز یویان، پنکه، پیللکان، یات، لوبیا، دوگو، ویسکی، قاراگیله، پورتغال سویو، توتون، سیگار کیمی محصوللارین یئر آلماسی گؤزلنیلیر.