"قارا قیزیل" ایکی ایللیک رکورددان سونرا 1 دو‌لار اوجوزلاشدی

آمریکادا خام نفت ذخیره لری آزالیب. آمریکا نفت انستیتو ذخیره لرین 1،56 میلیون بوشقا آزالدیغینی آچیقلاییب. بنزین ذخیره لری ایسه 520 مین بوشقا آرتیب. بو گون آچیق‌لانا‌جاق رسمی رقم‌لره گؤره، ذخیره لرین 2،45 میلیون بوشقا آزالاجاغی گؤزلنیلیر.

غربی تگزاس نفتی اؤتن گون 57،56 دو‌لارا قدر باهالاشدیق‌دان سونرا 56،91 دو‌لارا دوشوب. "برنت" نفتی حاضیردا 63،41 دو‌لاردان ساتیلیر. بو بیر دو‌لاردان چوخ اوجوزلاشما دئمک‌دیر. اؤتن گون بو مارکا‌دان اولان نفت 64،47 دو‌لاردان ساتیلیب.

نوامبرین 30-دا اوپک اؤلکه‌لری‌نین وین-ده کئچیرجگی گؤروشده مارت آییندا سونا چاتا‌جاق اوره تیمین آزالدیلماسی ایله باغلی راضیلاشمانین واختی‌نین اوزادیلماسی گؤزلنیلیر. سون هفته‌لرده باش وئرن حادثه‌لر نتیجه‌سینده نفتین قیمت‌لری 20 فایز آرتیب.

باهالاشمایا بیر نئچه حادثه تأثیر ائدیر. آمریکادا ذخیره لرین حجمینده باش وئرن دییشیک‌لر، اوره تیمین آرتماسی و یئنی قویولارین فعالیته باشلاماسی، سعودی عربیستانیندا یولسوزلوغا قارشی موباریزه تدبیرلری چرچیوه‌سینده شاهزاده‌لرین، ایش آدام‌لارینی حبسی، اوپک+ فورماتیندا اوره تیمین آزالدیلماسی راضیلاشماسی‌نین واختی‌نین اوزادیلماسی و عراق  کرکوک بؤلگه‌سینده نفت اوره تیمین آزالماسی قیمت‌لری جدی صورتده دییشه بیلر.