عربیستان-دا تاخت-تاج داواسی نفتین قیمتینی رکورد حده چاتدیردی

بورسالاردا گون عرضینده "برنت" مارکا‌لی نفت 1،2 فایز باها‌لاشا‌راق سون ایکی ایلین رکوردونو یئنیله‌ییب.

عربیستان-دا تاخت-تاج داواسی نفتین قیمتینی رکورد حده چاتدیردی

سعودی عربیستانیندا شاهزاده، ناظیر و میلیاردرلرین کوتلوی حبسی نفتی باها‌لاش‌دیرماقدا داوام ائدیر.

شاهزاده محمد بن سلمان‌نین ولیهد ایستاتوسونون محکملنمه‌سی، اونون "Saudi Aramco " شیرکتینه نظارت ائدن کرال شوراسینا عضو اولماسی نفتین قیمت‌لرینه پوزیتیو تأثیر ائدیر.

بورسالاردا گون عرضینده "برنت" مارکا‌لی نفت 1،2 فایز باها‌لاشا‌راق سون ایکی ایلین رکوردونو یئنیله‌ییب. سعودی عربیستانیندا تاخت-تاج اوغروندا موباریزه، آمریکادا اوره تیمین آشاغی دوشمه‌سی، دونیادا قلوبال نفت ذخیره لرینین آزالماسی سببین‌دن "برنت" نفتی‌نین قیمتی 64،36 دو‌لارا قالخیب. غربی تگزاس نفتی "برنت"ی تعقیب ائتسه ده، ایکی مارکا آراسیندا فرق 7 دو‌لاری کئچیر. حاضیردا WTİ مارکا‌لی نفت 57،34 دو‌لارا ساتیلیر، قیمت‌لرین گون عرضینده داها دا یوکسله‌جگی گؤزلنیلیر.

"AzeriLight"  مارکا‌لی نفتی قیمتی ده باهالاشیب. نفتین 1 بوشقاسی‌نین دیری 2،58 دو‌لار آرتا‌راق 66،20 دو‌لارا چاتیب.

حاضیردا بورسالار ایشتیراکچی‌لاری سعودی عربیستانیندا یولسوزلوغا قارشی موباریزه تدبیرلرینی جدی شکیلده ایزلییرلر. گون عرضینده یئنی حبس‌لرله باغلی معلومات‌لار اولارسا، قیمت‌لر ایکی ایللیک رکوردو یئنیله‌یه بیلر. بو گون همچنین آمریکا نفت انستیتو اؤلکه‌نین نفت ذخیره لرینین حجمینه دایر هفته‌لیک راپورو آچیقلایا‌جاق. متخصصلر ذخیره لرین بو هفته ده آزالاجاغینی گؤزلییرلر.



ایلگیلی‌لی خبرلر