نفت یئنی‌دن باهالاشماغا باشلادی

"برنت" مارکا‌لی نفت کئچن هفته‌نین سون سئانسینی ان آشاغی قیمتله باشا ووردو.

هفته عرضینده تخمینن 4 دو‌لار اوجوزلاشان نفتین بیر بوشقاسی شنبه گونو 51،95 دو‌لاردان ساتیلدی. بو هفته‌نین ایلک سئانسیندا ایسه نفت دیر قازانماغا باشلادی. حاضردا "برنت" نفتی‌نین بیر بوشقاسی 52،74 دو‌لاردان ساتیلیر.

غربی تگزاس نفتی‌نین قیمتی ده اوزون فاصیله‌دن سونرا 50 دو‌لاردان اوجوز اولوب. هفته‌نی 49،62 دو‌لارلا باشا ووران WTİ نفتی یئنی هفته‌یه یوکسلیشله باشلاسا دا، جدی دیر قازانا بیلمه‌دی. سحر سئانس‌لاریندا غربی تگزاس نفتی‌نین بیر بوشقاسی 49،87 دو‌لاردان ساتیلیب کی، بو دا جمعی 25 سنت باهالاشما دئمک‌دیر.