نفت اوجوزلاشیر

بورسالاردا یئنی هفته‌نین ایلک حراج لاری باش توتدو. "برنت" مارکا‌لی نفت حراجا 55،74 دو‌لاردان ایستارت وئرسه ده، سونراکی سئانس‌لاردا قیمت 55،36 دو‌لارا کیمی اوجوزلاشیب. ایلک حراج دا غربی تگزاس نفتی‌‌نین بیر بوشقاسی 52،98 دو‌لاردان ساتیلیب، سحر سئانس‌لاریندا ایسه قیمت 52،76 اولوب.

هفته عرضینده نفتین قیمتی‌نین فورمالاشماسی اوپک-دن گلن خبرلردن آسی‌لی اولا‌جاق. سعودی عربیستانی، عراق و کویت قیمت‌لرین 60 دو‌لار سویه‌سینه چاتدیریلماسی ایستیقامتینده دانیشیق‌لارا باشلاییب‌لار. اوپک-ین حاصیل ائتدیگی نفتین تام یاری‌سی بو اوچ اؤلکه‌نین پایینا دوشور. اساس نفت اؤلکه‌لری حساب ائدیر کی، اوره تیمین آزالدیلماسی ایله نفتین قیمتی‌نین 55 دو‌لارا چاتماسی تامین اولونوب و نؤبتی هدف کیمی 60 دو‌لار گؤتورولمه‌لی‌دیر. بو هدفه نایل اولماق مای آیی نین 25-ده وین-ده کئچیریله‌جک گؤروشون نتیجه‌لرین‌دن آسی‌لی‌دیر. سعودی عربیستانی، عراق و کویت حساب ائدیر کی، 60 دو‌لار حدی بوتون نفت حاصیل ائدن اؤلکه‌لره صرف ائدیر و بو رقم شیست نفتی‌نین کوتلوی اوره تیمینه  ایمکان وئرمه‌یه‌جک حددیر.

صاباح آخشام آمریکا نفت اینستیتوتو آمریکا-نین نفت ذخیره لرینین حجمینه دایر ایلک غیری -رسمی راپورو آچیقلایا‌جاق. اؤلکه‌نین آنبارلاردا ساخ‌لانان نفت ذخیره لری ایکی هفته‌دیر آزالیر، بونون داوام ائدیب-ائتمه‌یه‌جگی چرشنبه گونو آمریکا انرژی ناظیرلیگی‌نین آچیقلایاجاغی رسمی راپوردان سونرا معلوم اولا‌جاق.