قارا قیزیل اوجوزلاشدی
نفتین قیمتی سون 10 گونون ان یوکسک حدینه چاتدیقدان سونرا یئنیدن اوجوزلاشماغا باشلادی.
نفتین قیمتی سون 10 گونون ان یوکسک حدینه چاتدیقدان سونرا یئنیدن اوجوزلاشماغا باشلادی. سون 24 ساعت عرضینده برنت مارکالی نفتین ماکسیموم قیمتی 47،44 دولار اولوب، سحر سئانسلاریندا ایسه قیمتلر 1 دولارا یاخین اوجوزلاشیب. حاضردا بو مارکادان اولان نفت 46،47 دولاردان ساتیلیر. غربی تگزاس نفتی ده برنت نفتینی تعقیبده داوام ائدیر. دونن 46،27 دولاردان ساتیلان WTİ نفتی حاضردا 45،23 دولاردان تکلیف اولونور.
قیمتلرین سرعتله اوجوزلاشماسینا آمریکا انرژی اینفورماسیون ایدارهسینین آچیقلادیغی هفتهلیک راپور سبب اولوب. راپورا اساساً، آمریکانین نفت ذخیره سی اوچونجو هفتهنی ده آرتیملا باشا ووروب. کئچن هفته عرضینده آمریکا-نین خام نفت احتیاطلارینین حجمی 5،3 میلیون بوشقا آرتیب. آنالیزلر آرتیمین 1،5 میلیون بوشقا اولاجاغینی تخمین ائتمیشدیلر. امریکا نفت اینستیتوسو ایسه ذخیره نین ان آزی 3،7 میلیون بوشقا آرتاجاغینی ادعا ائدیردی. رسمی راپورون بو ادعالاری آلت-اوست ائتمهسی نفت بازاریندا قیمتلره ده منفی تأثیر گؤستریب. حاضردا آمریکادا حاصیل اولونموش نفت ذخیرهسینین حجمی 490،3 میلیون بوشقایا چاتیب کی، بو دا ایل عرضینده ان یوکسک گؤستریجیدیر.
صاباح دوحه ده اوپک عضوو اؤلکهلرین غیری -رسمی گؤروشو گؤزلنیلیر. گؤروشده اوپک عضولری وین توپلانتیسی ارفهسینده گوروش بیرلیگینه گلمک ایمکانینی بیر داها سیناقدان کئچیرهجکلر. اگر فیکیر آیریلیقلارینی آرادان قالدیرماق مومکون اولسا، اوپک گوندهلیک اوره تیمینی 32،5 میلیون بوشقا آزالتمالی اولاجاق. بو عامل متخصصلرین نظرینده نفتین باهالاشماسی اوچون اساس اومید یئری اولاراق آلیر.
ایلگیلیلی خبرلر
چین-دن تورک لیمانلارینا 3 میلیون توندان چوخ یوک داشینیب
ژانویه -مارس آیلاریندا چیندن تورک لیمانلارینا 3 میلیون توندان چوخ یوک داشینیب.