تورکیه-روسیا اورتاق یاتیریم فوندو قورولماسی موضوعسوندا بیرگه بیانات ایمضالانیب
تورکیه ایقتیصاد ناظیری نیهات زیبکجی، روسیا اقتصادی اینکیشاف ناظیری آلکسی اولیوکائو ایله ایستانبولدا بیر آرایا گلدی. بو سون 3 آیدا دؤردونجو گؤروشمهایدی
تورکیه-روسیا علاقهلرینین سرعتله یاخشیلاشدیریلماسینا دؤنوک اهمیتلی بیر راضیلاشماغا ایمضا آتیلدی.
اورتاق یاتیریم فوندو قورولماسی موضوعسونداکی بیرگه بیانات، 2 اؤلکه ایقتیصاد باخانلارینجا ایستانبولدا ایمضالانیب.
تورکیه ایقتیصاد ناظیری نیهات زیبکجی، روسیا اقتصادی اینکیشاف ناظیری آلکسی اولیوکائو ایله ایستانبولدا بیر آرایا گلدی. بو سون 3 آیدا دؤردونجو گؤروشمهایدی.
زیبکجی، تورکیه و روسیا آراسینداکی بوتون تیجارت موضوعلارین اله آلیندیغی قاریشیق اقتصادی کومیسیونون دا یئنیدن ایشه باشلادیغینی سؤیلهدی.
تورکیه ایله روسیا آراسیندا اورتاق یاتیریم فوندو قورولماسی قرارینا توخونان زیبکچی؛
"روسیا یاتیریم فوندو ایله بیرلیکده، تورکیه فوندو، تورکیه و اوروپا یاتیریم فوندو بیر آرایا گلهجک. ایلک اعتاپدا 500 میلیون دولارلیق بیر رقمی اورتایا قویاراق 1 میلیارد دولارلیق بیر سرمایه قویولاجاق. سونرا احتیاج دویولدوغوندا داها چوخ قویولاجاق. بو آددیملار تاریخه اهمیته صاحب" دئدی .
زیبکچی، تورکیهدن یاش تروز میوه ایتحالاتینا گلن مانع تؤرتمهیه ده چوخ قیسا مدتده قالخاجاغینی اومید ائتدیکلرینی سؤیلهدی.
روسیا اقتصادی اینکیشاف ناظیری آلکسی اولیوکائو ایسه اورتاق فوندون ایش محفللرینه بؤیوک فورصت اولدوغونو قید ائتدی.
اولیوکائو؛
"تیجارت علاقهلرین یئنیدن آرزو ائتدیگیمیز سویهیه گلمهسی اوچون ائدیلمهسی لازیم اولانلار موضوعسوندا اهمیتلی بیر راضیلاشماغا ایمضا آتدیق. خیدمت سکتورو، یاتیریم، نقلیات، توریزم؛ بونلارلا علاقهدار ائتدیگیمیز دانیشیقلار سون درجه شفاف و صمیمی کئچدی. خصوصیله اورتاق یاتیریم فوندونون، ایش چئورهلرینه بؤیوک فورصتلر تقدیم ائدهجگینی دوشونورم. " دئدی.
ایلگیلیلی خبرلر
چین-دن تورک لیمانلارینا 3 میلیون توندان چوخ یوک داشینیب
ژانویه -مارس آیلاریندا چیندن تورک لیمانلارینا 3 میلیون توندان چوخ یوک داشینیب.