نفت یئنی‌دن اوجوزلاشدی

نیویورکون NYMEX  بورساسیندا کئچیریلن الکترون تیجارت عملیات‌لاری‌نین گئدیشینده WTI نفتی‌نین قیمتی 1 بوشکایا گؤره 0،33 دو‌لار آزالا‌راق 49،50 دول‌لار تشکیل ائدیب.

ICE London بورساسیندا برنت مارکا‌لی نفتین 1 بوشکاسی‌‌نین دیری ایسه 0،34 دو‌لار آزالا‌راق 51،52 دو‌لار اولوب.

ماراق‌لی‌دیر کی، کئچن گون آمریکانین انرژی ناظیرلیگی‌نین آچیقلادیغی ایستاتیستیک-ه اساساً، بو اؤلکه‌ده "قارا قیزیل" ذخیره سی نؤوبتی دفعه آزالیب. بئله‌لیکله، آمریکانین نفت ذخیره لری آرتیق 5 هفته‌دیر آزالیر. ناظیرلیگین رقم‌لری گؤستریر کی، آمریکادا نفت ذخیره لرینین حجمی 2،98 میلیون بوشکا آزالا‌راق 499،740 میلیون بوشکایا چاتیب. حالبوکی، "S&P Global Platts" طرفین‌دن کئچیریلن سورغونون ایشتیراکچی‌لاری ذخیره لرین 2 میلیون بوشکا آرتاجاغینی تخمین ائدیلیب. یئری گلمیشکن، آمریکانین نفت ذخیره لرینین حجمی جاری ایلین ژانویه آیین‌دان اعتباراً ایلک دفعه 500 میلیون بوشکا سویه‌سیندن آشاغی دوشوب.