آتاتورک هاوالیمانینا یئنی اؤدول
آتاتورک هاوالیمانی، یورو انیس 2015 اؤدوللرینده آوروپادا ان چوخ یئنی اوزون منزیللی گذرگاها صاحب هاوالیمانی سئچیلدی
ایستانبول آتاتورک هاوالیمانی، دونیانین ان اؤنملی اوچوش مرکزلریندن بیری اولاراق هدف شبکهسینی گئنیشلندیرمهیه داوام ائدیر.
آتاتورک هاوالیمانی، یورو انیس 2015 اؤدوللرینده آوروپادا ان چوخ یئنی اوزون منزیللی گذرگاها صاحب هاوالیمانی سئچیلدی.
آتاتورک هاوالیمانی گئچن ایل اوزون منزیللی مسیر ساییسینی 36دان 40 سفره یوکسلدهرک هاواچیلیق سئکتورونون ان یاخشیلارینین بللی اولوندوغو یورو انیس 2015.جی ایلده ایلک سیرادا یئر آلدی.
2014.جو ایلده 422 مین اوچاق و 57 میلیون یولچویا سرویس سونان آتاتورک هاوالیمانی، آوروپادا 4.جو، دونیادا 13.جو سیرادا یئر آلدی.
غازیپاشا-آلانیا هاوالیمانی ایسه آوروپانین 100 مین-1 میلیون یولچو توتوملو هاوالیمانلاری آراسیندا ان سرعتلی بؤیوین هاوالیمانی اولاراق اؤدول آلدی. غازیپاشا آلانیا هاوالیمانی، 2014.جو ایلده یولچو ترافیکینده یوزده 115 آرتیش گؤستردی.
اینگیلتره مرکزلی هاواچیلیق خبر و آنالیز سایتی "آننا.یورو" طرفیندن وئریلن یورو انیس اؤدوللری، هاوالیمانی و هاوا یوللارینین ایش گلیشدیرمه و بؤیومه پئرفورمانسلارینی دگرلندیریر.
ایلگیلیلی خبرلر
چین-دن تورک لیمانلارینا 3 میلیون توندان چوخ یوک داشینیب
ژانویه -مارس آیلاریندا چیندن تورک لیمانلارینا 3 میلیون توندان چوخ یوک داشینیب.