اولوسلار آراسی پول صاندیغی‌ندان یونانیستانا یاشیل ایشیق
یونانیستاندا رفراندومدا "خیر" قراری چیخماسین‌دان سونرا، اؤلکه‌نین سیاسی پارتی لیدرلری، پرزیدنت پروکوپیس پاولوپولوس باشقانیلیغیندا توپلاندی
اولوسلار آراسی پول صاندیغی‌ندان یونانیستانا یاشیل ایشیق
اولوسلار آراسی پول صاندیغی باشقانی کیریستین لاگارد، یونانیستان‌داکی اینکیشاف‌لاری یاخین‌دان ایزله‌دیک‌لرینی ایفاده ائده‌رک، ' طلب ائدیلمه‌سی حالیندا کؤمک ائتمه‌یه حاضیریق "دئدی.
یونانیستاندا رفراندومدا "خیر" قراری چیخماسین‌دان سونرا، اؤلکه‌نین سیاسی پارتی لیدرلری، پرزیدنت پروکوپیس پاولوپولوس باشقانیلیغیندا توپلاندی.
توپلانتی سونراسی باش ناظیر آلکسیس چیپراس، ژورنالیست‌لرین چوخ ایستگینه باخمایا‌راق آچیقلاماسینی وئردی.
کوالیسیون حکومتی‌نین کیچیک اورتاغی مستقیل یونان‌لی‌لار (ANEL) پارتیسی باشقانی و ساوونما ناظیری پانوس کامنوس، یونان‌لی‌لارین صاندیقدا بیرلیک ایچینده اولدوق‌لاری مساژینی وئردیک‌لرینی سؤیله‌دی.
اسکی خاریجی ایشلر ناظیری‌نین معاوینی افکلیدیس چاکالوتوس، یانیس واروفاکیسین وظیفه‌سین‌دن ایستعفا ائتمه‌سین‌دن سونرا مالیه ناظیرلیگینه وئریلیب.
دیگر طرف‌دن، فرانسا پرزیدنتی فرانسوا اولاند و آلمان باش ناظیری آنگلا مرکل، یونانیستان‌داکی رفراندومون نتیجه‌سینی قیمتلن‌دیرمک اوچون پاریس‌ده الیزه ساراییندا بیر آرایا گلدی.
اولاند، یونانیستان اوچون مذاکیره قاپیسی‌نین آچیق اولدوغونو ایفاده ائدرکن، مرکل، "زامان دارالیر. چیپراس تکلیفینی تقدیم ائتمه‌لی" دئدی.
ایلگیلی‌لی خبرلر
تورکیه‌نین توریزم گلیری آرتدی
تورکیه ایستاتیستیک قورومو، ژانویه-مارس دؤنمینه باغلی توریزم رقملرینی آچیقلادی
