تورکیه دولت- اؤزل اورتاق یاتیریملاریندا دونیا ایکینجیسی
راپوردا، تورکیهنین، 17 یئنی پروژه ایله ایکینجی ان یوکسک یاتیریم حجمینی الده ائتدیگی قید ائدیلدی
تورکیه دولت- اؤزل اورتاق یاتیریملاریندا دونیا ایکینجیسی
دونیا بانکی، تورکیهنین اینکیشاف ائتمکده اولان اؤلکهلر آراسیندا دولت- اؤزل سکتور امکداشلیقدا ان چوخ آلت یاپی یاتیریم ائدن ایکینجی اؤلکه اولدوغونو آچیقلادی.
بانکین 139 اینکیشاف ائتمکده اولان اؤلکهنی ایچهرن "2014 قلوبال دولت- اؤزل سکتور اورتاق سرمایهلری" باشلیقلی آراشدیرما راپوروندا، تورکیهنین، عینی زاماندا اوروپا و اورتا آسیا بؤلگهسیندکی ان بؤیوک 5 دولت- اؤزل سکتور بیرگه یاتیریم پروژهسینه ائو صاحبلیگی ائتدیگینه دقت چکیلدی.
راپوردا، تورکیهنین، 17 یئنی پروژه ایله ایکینجی ان یوکسک یاتیریم حجمینی الده ائتدیگی قید ائدیلدی.
راپوردا، همچینین 2014-جو ایلده اینکیشاف ائتمکده اولان اؤلکهلرده دولت- اؤزل سکتور ایشبیرلیغیندکی یاتیریملارین بیر اوّلکی ایله موقایسه ایله یوزده 6 آرتاراق، 107،5 میلیارد دولار اولدوغو بیلدیریلدی.
برزیلین 44،2 میلیارد دولارلا بیرینجی، تورکیهنین 12،5 میلیارد دولارلا ایکینجی اولدوغو ' ان چوخ آلت یاپی یاتیریم ائدن اؤلکهلر لیستهسیندا پرو 8،1 میلیارد دولارلا اوچونجو، کولومبیا 7 میلیارد دولارلا دؤردونجو و هیندیستان 6،2 میلیارد دولارلا بئشینجی سیرادا یئر آلدی.
جمعیت-اؤزل سکتور امکداشلیقدا آدی کئچن 5 اؤلکهده حیاتا کئچیریلن پروژهلرین دگری، 139 اینکیشاف ائتمکده اولان اؤلکهدکی عمومی آلت یاپی سرمایهلرینین یوزده 73ونو میدانا گتیردی.
ایلگیلیلی خبرلر
تورکیه-نین قیرغیزیسیتانا سیمان محصوللاری صادراتینین حجمی آچیقلانیب
ژانویه-مارس آیلاریندا تورکیه-نین قیرغیزیسیتانا سیمان محصوللاری صادراتینین حجمی آچیقلانیب.