تاریخده بو گون
۱۱ مارس ۲۰۱۹
۱۱ مارس ۱۷۰۲، اینگیلترهنین گونلوک اولاراق حاضرلانان ایلک میللی قزئتی دیلی کورنت، یاییملانماغا باشلادی. تک صحیفهدن اولوشان قزئتین اؤن اوزونده خبرلر، آرخا اوزونده رئکلام یئر آلیردی.
...
جوزپه وردینین ریگولتو اوپراسی، ۱۱ مارس ۱۸۵۱ تاریخینده ایلک دفعه ونیزده صحنهیه قویولدو. بؤیوک باشاری قازانان اوپرانین ماهنیلاری ارتهسی گون ونیز کوچهلرینده فیتله چالینماغا باشلادی.
...
۱۱ مارس ۱۹۳۵؛ تورکچولوک آخیمینین اؤنچولریندن، تورک اوجاقلارینین قوروجولاریندان تاریخچی و سیاست آدامی یوسف آکچورا وفات ائتدی.
...
هیندیستان یئنی دهلیده ایلک دفعه گئچیریلن آسیا اویونلاری ۱۱ مارس ۱۹۵۱ تاریخینده سونا چاتدی. گونوموزده ده داوام ائدن یاریشمالار، اولوسلارآراسی المپیک کمیتهسینین دستگی ایله آسیا المپیک کمیتهسی طرفیندن تشکیل ائدیلمکدهدیر.
...
۱۱ مارس ۲۰۰۴؛ مادریدده ۳ قاتار دوراغیندا میدانا گلن ۴ آیری پاتلامادا ۱۷۷ نفر اؤلدو. حکومت، سالدیریلاردان ائتانی سوروملو توتدو، هؤرگوت ایسه بو اتهامی رد ائتدی. مادرید سالدیریسیندان بیر ایل سونرا ۱۱ مارسدا، سالدیریدا حیاتینی ایتیرهنلرین خاطرهسینه "اؤلموشلرین اورمانی" آنیدی آچیلدی.
...
۱۱ مارس ۲۰۱۱.جی ایلده، ژاپنون توهوکو بؤلگهسینده ۹.۰ ام دبلیو گوجونده زلزله اولدو. بو زلزلهنین، ژاپندا یاشانان ان بؤیوک، دونیادا ایسه ان بؤیوک ایلک بئش زلزلهنین آراسیندا یئر آلدیغی آچیقلاندی. زلزله سونراسیندا بؤلگهده یوکسکلیگی ۳۷،۹ متره چاتان سونامی دالغالاری میدانا گلدی.
ایلگیلیلی خبرلر
اورتا آسیا جمهوریتلرینین گوندمیندهکی گلیشمهلر
دونیانین اؤنده گلن اؤلکهلری اورتا آسیا جمهوریتلرینی بیر بوتون اولاراق گؤرمهیه باشلادیلار
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی