تاریخ‌ده بو گون
۰۳ مارس ۲۰۱۹
۹۳ حربی اولاراق دا بیلینه‌ن ۱۸۷۷-۱۸۷۸ عثمانلی-روس ساواشی، عثمانلی ایمپراتورلوغونون مغلوبیتی ایله نتیجه‌له‌ندی. عثمانلی دؤولتینین باریش ایسته‌مه‌سی اوزرینه ۳ مارس ۱۸۷۸ده ایستانبولون یئشیلکؤی سمتین‌ده آیاستفانوس آنلاشماسی ایمضالاندی. چوخ آغیر شرطلر احتیوا ائد‌ن بو آنلاشمایا گؤره رومانی، قاراباغ، صربیستان مستقیللیگینی قازاندی، بولقاریستان اؤزارکلیگینی اعلان ائتدی. ساواش خسارتی اولاراق قارس، آرداهان، باتوم و دوغو بایزید روسلارا بوراخیلدی. ارمنیلره ده بیر سیرا ایمتیازلار وئره‌ن بو آنلاشمانین روسیانین بؤلگه‌ده گوجونو آرتیردی. بو وضعیت آوروپانی حرکتلندیردی. قیبریسین ایداره‌سینین اینگیلیسلره بوراخماغی قبول ائد‌ن عثمانلی دؤولتی، آوروپانین دستگی ایله برلین آنلاشماسی آدی آلتین‌دا یئنی بیر آنلاشما ایمضالادی، بئله‌لیکله آیستفانوس آنلاشما‌سینی لغو ائتدی.
...
۳ مارس ۱۹۲۴؛ یئنی قورولان تورکیه جمهوریتین‌ده داوام ائد‌ن مودرنلشمه ایشلری چرچیوه‌سین‌ده، تؤحید تدریسات قانونو قبول ائدیلدی. بو قانونلا تورک تحصیل سیستمین‌ده بوتونلوک تامین اولوندو. بوتون اوخوللار میلی تحصیل باخانلیغینا باغلاناراق، اؤلکه‌ده آزینلیقلارین و خاریجی اوخوللارین دینی و سیاسی مقصدلی تحصیل وئرمه‌سی قاداغان اولوندو. بو قانونلا، بعضی دینی قوروملار قاپادیلیرکن اونلارین یئرینه دیانت ایشلری باشقان‌لیغی و ایمام خطیب اوخوللاری آچیلدی.
...
۳ مارس ۱۹۸۰؛ اسکی حاتای جمهورباشقانی تایفور سؤکمن، ایستانبول‌دا وفات ائتدی. تایفور سؤکمن، عثمانلینین ۱.جی دونیا ساواشی سونراسیندا یئنیلمه‌سی اوزرین‌ده اسکندرون سانجاغینین فران‌سیزلار طرفین‌دن ایشغالی اوزرینه، ایلک مقاومت حرکاتینی قورانلار آراسین‌دایدی. ۱۹۳۸ده قورولان حاتای دؤولتینین، ۱۹۳۹.جو ایلده ائدیله‌ن رفراندوم نتیجه‌سین‌ده تورکیه‌یه قوشولماسینا قدر پرزیدنتی اولدو.
...
۳ مارس ۲۰۱۳؛ تورک خالق موسیقی‌سی صنعتچیسی، موسلوم گۆرسس وفات ائتدی. تورکیه‌نین ان سئویله‌ن سس صنعت‌چیلرین‌دن اولان و "موسلوم بابا" اولاراق تانینان موسلوم گورسس داها ۱۲ یاشین‌دا چای باغچالارین‌دا ماهنی سؤیله‌یه‌رک موسیقی حیاتینا باشلادی. بوتون تورکیه‌نین سئوه سئوه قولاق آسدیغی بیر موغنی ایدی. بیر چوخ فیلم‌ده ده رول آلان موسلوم گورسس ساکین شخصیتی، بیلگه سؤزلری ایله ده دقت چکمیش، حتی حاقین‌دا اونیورسیته‌لرده تئزلر یازیلمیش‌دیر.
ایلگیلی‌لی خبرلر
اورتا آسیا جمهوریتلرینین گوند‌مینده‌کی گلیشمهلر
دونیانین اؤنده گلن اؤلکه‌لری اورتا آسیا جمهوریتلرینی بیر بوتون اولاراق گؤرمه‌یه باشلادیلار
آورآسیا جمهوریتلرینین گۆندمینده‌کی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیه‌یه رسمی سفر گئرچکلشدیردی
