تاریخده بو گون
۲۸ فوریه ۲۰۱۹
۲۸ فوریه ۱۹۲۲؛ مصر، بیرلشمیش کراللیقدان مستقیللیگینی اعلان ائتدی.
۱۵۰۰لو ایللرده عثمانلی حاکمیتینه داخیل اولدوقدان سونرا تخمیناً ۴۰۰ ایل تورک ایدارهسینده اولان مصر، ۱۸۸۲.جی ایلده عثمانلیدان آیریلاراق اینگیلیس ایدارهسینه داخیل اولموشدو. ۴۰ ایل بویونجا اینگیلیسلر طرفیندن ایداره ائدیلهن مصر کراللیغیندا ۲۸ فوریه ۱۹۲۲ تاریخینده مستقیللیک اعلان ائدیلسه ده هئچ بیر شئی دییشمهدی. مستقیللیک اعلانیندان سونراکی ۳۰ ایل عرضینده یئنه اینگیلیسلر فعال اولاراق اؤلکهنین رهبرلیینه یؤن وئردی. اینگیلیس حاکمیتی آنجاق ۱۹۵۲ ایلده بیر چئوریلیش نتیجهسینده مصر کراللیغینین ییخیلماسیندان سونرا سونا چاتدی. مصرده کراللیغین دئوریلمهسیندن بیر ایل سونرا جمهوریت اعلان ائدیلدی.
...
۲۸ فوریه ۱۹۴۰؛ ایلک دفعه بسکتبال اویونو آمریکادا تلویزیوندان جانلی یایینلاندی. فوردهام ایله پیتسبورگ اونیورسیتهلری تیملرینین مدیسون سکوار گاردندا اوینادیغی بسکتبال اویونو، تلویزیوندان یایینلانان ایلک بسکتبال قارشیلاشماسی اولدو.
...
۲۸ فوریه ۱۹۴۵؛ تورکیه بیرلشمیش میللتلر بیاننامهسینی ایمضالادی. تورکیه ایشگۆدری(کاردار) اورخان اراول طرفیندن آمریکادا ایمضالانان بیاننامهدن ۸ آی سونرا بیرلشمیش میللتلر رسما قورولدو. تورکیه عینی زاماندا بیرلشمیش میللتلر تشکیلاتینین قوروجو عضولریندن بیری اولدو. بیرلشمیش میللتلر فیکری ایلک اولاراق، II.جی دونیا ساواشینین بیتیمینده، ساواشین غالیبی اؤلکهلر طرفیندن، اؤلکهلر آراسیندا آنلاشمازلیغی آرادان قالدیراراق گلهجکده میدانا گلهجک و اؤز تهلوکهسیزلیکلرینی تهدید ائدهبیلهجک بیر ساواشین قارشیسینی آلماق مقصدی ایله اورتایا آتیلمیشدی.
...
۲۸ فوریه ۲۰۱۵؛ نوبل ادبیات اؤدولونه نامیزد گؤستریلهن ایلک تورک یازار یاشار کمال وفات ائتدی. داها ایبتیدای اوخولا باشلامادان ایشه شعرله باشلایان، رومان، اؤیکو و سناریو یازان یاشار کمال، تورک ادبیاتینین ان بؤیوک اوستالاریندان بیری کیمی تانینیر. یاشار کمالین اثرلری بیر چوخ دیله ترجومه اولونوب بوتون دونیادا یاییملانمیش، کیتابلاریندان بیر چوخ فیلم چکیلمیشدیر.
تورکیهدن آلدیغی اؤدوللرله یاناشی، اولوسلارآراسی چینو دل دوکا اؤدولو، لژیون دونور نشانی، پرمی اینترناسیونال کاتالونیا، آلمان کیتابچیلار بیرلیگی فرانکفورت کیتاب سرگیسی باریش اؤدولو کیمی ییرمیدن چوخ اولوسلارآراسی اؤدول آلمیشدیر.
ایلگیلیلی خبرلر
اورتا آسیا جمهوریتلرینین گوندمیندهکی گلیشمهلر
دونیانین اؤنده گلن اؤلکهلری اورتا آسیا جمهوریتلرینی بیر بوتون اولاراق گؤرمهیه باشلادیلار
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی