تاریخده بو گون
۲۷ فوریه ۲۰۱۹
۲۷ فوریه۱۸۶۳ ؛ تورکیهده بیلینن ایلک رسم سرگیسی، ایستانبول آت میدانیندا آچیلدی. سرگینین آچیلماسینا سلطان عبدالعزیز دستک وئردی.
۱۹.جو عصرین اورتالاریندا بوتون دونیادا سرگیلر دۆزنلنمهسی بیر آخیم حالینا گلمیشدی. باتیدا تئز تئز اؤزنکلرینه راست گلینن سرگیلر، عثمانلی امپراتورلوغوندا دا ایلگی گؤروردو. عثمانلی سلطانی عبدالمجید لندن و پاریسده تشکیل اولونان سرگیلره ایشتیراک ائدیردی. عبدالمجیدین وفاتی اوزرینه یئرینه گئچهن عبدالعزیز، مدنی تدبیرلره اولان اؤزل ایلگیسی سببی ایله عثمانلیدا دا بئله بیر سرگی تشکیل اولونماسینی ایستهدی. سرگییه عمومی عثمانی آدی آلتیندا گئچیریلهن بو سرگیده رسم سرگیسینین یانی سیرا عثمانلیدا یئتیشهن محصوللار آیریجا اؤلکهده احتیاج دویولان و باتیدان گتیریلهن یئنی اختراعلار دا سرگیلندی.
...
۲۷ فوریه ۱۸۷۹؛ کیمیاچی کنستانتین فالبرگ "ساخارین" آدی وئریلهن صونعی ماده تاپدی. حاضردا شکر خستهلری ایله درمان و قیدا صنایعینده بیر چوخ محصولدا ایستیفاده اولونان ساخارین اصلینده بیر یانلیشلیق نتیجهسینده تاپیلدی. کنستانتین فالبرگ، جانز هاپکینز اونیورسیتهسی ایکینجی باشقانی ایرا رمسن ایله بیرلیکده معدن کؤمورو قطرانی اوزرینده چالیشیرکن یانلیشلیقلا ساخارینی تاپدی. ساخارین اوزرینه مقالهلر یاییملایان فالبرگ، ۱۸۸۴ده ساخارین ثبت سندی آلدی.
...
۲۷ فوریه ۱۹۱۴، تورک هاواچیلیغی ایلک شهیدلرینی وئردی. پیلوت فتحی و صادق بیلرین معاونت ملییه آدلی اوچاغی، ایستانبول-قاهیره سفرینه باشلادی. قونیا، اولوقیشلا، آدانا، حمص و دمشق اوزریندن قاهیرهیه گئدهجک بو هاوا سیاحتی دمشقه قدر پروبلئمسیز داوام ائتدی. آنجاق دمشقین طبریه بؤلگهسی یاخینلیغیندا هاوا آخیمینا قاپیلدی و قایالارا چارپاراق دوشدو. فتحی و صادق بی شهید اولدو. بالکان حربیندن مغلوب چیخان عثمانلیدا، بئله بیر اوچوشون خالقا روح اولاجاغی دوشونولهرک پلانلانمیشدی.
...
۲۷ فوریه ۱۹۴۷، "آمجابی"، "افروز بی"، "دالقاووق"، "آغلا قارا"، "یئنی زنگین" کیمی تیپلرین یارادیجیسی، تورک کاریکاتورونون اوستالاریندان جمال نادر گولر حیاتینی ایتیردی. جمال نادر، یاراتدیغی تیپلرله توپلومداکی جهالتی، چیخارچیلاری، ایکی اۆزلو اینسانلاری، یالتاقلاری تنقید ائدیردی.
ایلگیلیلی خبرلر
اورتا آسیا جمهوریتلرینین گوندمیندهکی گلیشمهلر
دونیانین اؤنده گلن اؤلکهلری اورتا آسیا جمهوریتلرینی بیر بوتون اولاراق گؤرمهیه باشلادیلار
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی