هفتهنین آنالیزی: 3
ایسراییل امریکایا باها باشا گلیر
![هفتهنین آنالیزی: 3](http://cdn.trt.net.tr/images/xlarge/rectangle/92c0/a389/d7f8/5b5c4c979a807.jpg?time=1718391427)
آنکارا ییلدیریم بایزید اونیورسیته سی سیاسی علملر فاکولتهسینین دئکانی، پروفسور قودرت بولبولون "ایسراییل امریکایا باها باشا گلیر" موضوع سونداکی یازیسینی تقدیم ائدیریک.
امریکانین قلوبال سیاستینه نظر سالدیقدا پرینسیپیال سویهده موختلیف تنقیدلریمیز اولسا دا، بو سیاستین منفعته اساسلانان بیر رئاللیغینین اولدوغو آچیق شکیلده موشاهیده ائدیله بیلر. امریکانین اورتا دوغو سیاستینه گلدیکده ایسه، بونلاری سؤیلهیه بیلریک: اؤز اؤلکهسینین امریکا خالقینین منفعتینه بیر سیاست تطبیق ائتدیگینی سؤیلهیه بیلمک بئله غیری-مومکون گؤرونور.
بوتون دونیا میللتلرینین اعتراضینا، بمت-دکی سس وئرمهده بیر نئچه ایداره اولونان اؤلکهدن ساوایی، تک باشینا قالماسینا باخمایاراق، امریکانین قودسو ایسراییل-ین پایتاختی قبول ائتمه قراری امریکا خالقینا پرینسیپیال سویهده و مادی اولاراق نئجه بیر منفعت تامین ائتمیش اولا بیلر؟
سوریه-ده امریکانین نه ائتمک ایستدیگینه، مقصدینین نه اولدوغونا دایر منطق لی بیر آچیقلاما تاپا بیلمک بحث موضوع سو اولا بیلرمی؟
اؤزو طرفیندن ده ترور تشکیلاتی قبول ائدیلن پ.کا.کا-نین تورکیه-نین سوریه-ده کی قولو کیمی گؤردوگو ی.پ.گ-یه آچیق دستکینین اساسلی بیر ایضاحی اولابیلرمی؟
سون اولاراق امریکا پرزیدنتی ترامپ ترور تشکیلاتی ی.پ.گ-نی ووراجاغی تقدیرده ایقتیصادیاتینا جدی ضربه لر وئریله جگینی ایفاده ائدهرک تورکیه-نی تهدید ائتدی.
البته تورکیه امریکانین تهدیدینه بویون ایهرک، سرحدینده بیر ترور تشکیلاتینا ایجازه وئرمهیهجکدیر. اون ایللردیر اؤزونه و سیویل اینسان لارا قارشی ایستنیلن ترورا مراجعت ائدن بیر تشکیلاتین سرحدده دؤولت قورماسینا سئیرچی قالمایاجاقدیر. امریکانین آچیق تهدید ایفادهسینه باخمایاراق، تورکیه-نین اصیل هدفی بؤلگهسیندکی ترور تشکیلاتلاری اولدوغو اوچون امریکایا قارشی ساغلام فیکیرلی رفتار ائتمکدیر. لاکین تورکیه چارهسیز دئییلدیر. لازیم گلسه امریکا ایله بوتون علاقهلری نظردن کئچیرهجک بیر پروسهسی باشلادا بیلر. گلهجگی اوچون آچیق شکیلده تهدید تشکیل ائدن بیر پروسهسه مانع اولماق اوچون تورکیه احتیاج اولسا امریکا ایله بوتون علاقهلری سونا چاتدیرماق دا داخیل، البته موختلیف تدبیرلری دیرلندیرهجکدیر. تورکیه آرتیق کئچمیشدکی تورکیه دئییلدیر.
بو نقطهده حاقلی اولاراق امریکانین اورتا دوغودا نه اوچون نه پرینسیپیال نه ده مادی اولاراق اؤزونه خیری اولمایان، ایرراسیونال سیاست تعقیب ائتدیگی دوشونولور.
قودس قراریندا اولدوغو کیمی نه اوچون بوتون دونیا میللتلرینین اؤز قارشیسیندا دایانماسینا سبب اولور. تورکیه-نی تامامیله ایتیرمه باهاسینا اؤزونون ده ترور تشکیلاتی کیمی تانیدیغی پ.کا.کا-نین سوریه-ده کی قولونو اون ایللردیر متفیقی کیمی گؤردوگو، ناتو عضوو اولاراق موختلیف اؤلکهلرده عینی طرفده بیرلیکده یئر آلدیغی تورکیه-یه قارشی دستکلییر؟
نه اوچون کوچهدکی تورکلر، عربلر و کوردلر طرفیندن آچیق شکیلده هوجوم کیمی گؤروله بیلهجک ایفادهلردن ایستیفاده ائدیر؟
ترورا آچیق دستکله عینیلشن بیر امریکا فیکرینی اؤز الی ایله یارادیر؟
امریکا بوتون بونلاری نه اوچون ائدیر؟
امریکا طرفیندن بوتون بونلارا دایر داعش و ایرانین مرکزده اولدوغو بیاناتلار یاییلیر. لاکین بو آچیقلامالار هئچ بیر شکیلده قانع ائدیجی قبول ائدیلمیر.
امریکانین نظرده توتولا بیلمهین، ایرراسیونال سیاستلرینه نظر سالدیقدا بؤلگهمیزده خصوصیله ایسراییل ایله علاقهلی موضوع لاردا بئله بیر منطق سیزلیگین یاشاندیغی موشاهیده اولونور. امریکا ایسراییل ایله علاقهلی موضوع لاردا اؤزونون ده منفعتلرینی بیر طرفده قویان دوشونجهسیزلیگه صاحیبدیر. ایسراییل سؤز موضوعسو اولدوغو زامان امریکانین منطق سیز سیاستینین شوبهه یوخدور کی، اؤزونه ده و ایسراییله ده سیونیست اولمایان منطق لی یهودیلره ده آغیر نتیجهلری اولور.
امریکانین منفعتلرینین نظره آلینماماسی: معاصر عصیرلرده سیخلیقلا خاریجی سیاستین میللی منفعتلر اوچون یورودولدوگو ایفاده ائدیلیر. ایسراییل بحث موضوعسو اولدوقدا امریکا اؤز منفعتلریندن ایمتینا ائدیر.
عدالت، آزادلیق، اینسان حاقلاری کیمی قلوبال دیرلر و باریش دان طرف اولان بوتون دونیادان اینسانلارین اعتراضینا سبب اولماسی، ایسراییل-ین ایشغالچی و تجاوزکار سیاستلرینین شرطسیز دستکلنمهسی، طبیعی اولاراق بوتون اینسانلیق ویجدانیندا محکوم ائدیلمکتهدیر. بو، امریکا علیهینه اولانلارین سایینی دا آرتیریر.
بؤلگه اؤلکهلرینین، بؤلگه اینسانلارینین امریکانین علیهینه اولماسی اورتا دوغودا سادهجه ایسراییل-ین مرکزده اولدوغو سیاست ایزلمهسی بؤلگه دؤولتلرینه قارشی تهدیدامیز ایفادهلردن ایستیفاده ائتمهسی، اؤلکهلر سسسیز قالسالار دا بؤلگه خالقلاریندا گوجلو اعتراضا سبب اولور.
امریکانین ایسراییله قارشی آغلا سیغمایان موضعی و دستکی ایسراییل-ین قارشیسینین آلینماسی واجیب اولان داها ایشغالچی، داها تجاوزکار و سوی قیریما گئدیب چیخان سیاستلرینی آرتیریر.
ایسراییله وئریلن شرطسیز دستک ایسراییل-ین آرتان هوجوملاری و غیری-اینسانی تطبیقلری دونیادا آرتان آنتی-سئمیتیزم ان اهمیتلی سببلردن بیریدیر. شوبهه یوخدور کی، عرقچیلیک کیمه قارشی و هارادان اولارسا اولسون اصلا قبول ائدیله بیلمز.
ایلگیلیلی خبرلر
![تۆرک جمهوریتلرینین گوندمیندهکی گلیشمهلر](http://cdn.trt.net.tr/images/medium/rectangle/69b8/6ea7/ff13/6475fe34ae948.jpeg?time=1718391427)
تۆرک جمهوریتلرینین گوندمیندهکی گلیشمهلر
۱ ژوئن ۲۰۲۴ تاریخینده شوشادا تۆرک دؤولتلری تشکیلاتی تحصیلدن مسئول باخانلاری ۸.جی ییغینجاغی ائدیلدی