آتاتورک، بیر میللتین یئنیدن دوغوشو(46)
"20-جی عیصیرده مصطفی کمال-دن باشقا دوشونجهلری اؤلکهسینین حیاتیندا تمل رول اوینایان باشقا بیر اؤندر یوخدور. منجه بونون سببی آتاتورکون بؤیوک بیر اینقیلابچی اولماسی، معاصر تورک میللی کیملیگینین باشدا گلن معماری و تورک موستقیللیگینین باش مودافیهچیسی
آتاتورک، بیر میللتین یئنیدن دوغوشو(46)
سلام سئوگیلی دینلییجیلر، آتاتورک سئوگی و ماراغیندا بیرلیکدییک.
بؤیوک لیدئر مصطفی کمال آتاتورکون سونرا، دونیا طرفیندن تانینمیش دولت آداملارینین، یازارلارین و موتفککیرلرین، تاریخین حافیظهسینه هدیه ائتدیگی سؤزلری میننتدارلیغیمیزی تقدیم ائتمهیه داوام ائدیریک.
-----
بو گون سیزلرله سیاست عالیم پروفسور دوکتور علی مازروینین فیکیرلرینه قولاق وئرجگیک.
کنیا اصیللی بیر سیاست عالیم اولان پروفسور دوکتور علی مازروی، آمریکا، اوروپا، آسیا و آفریقانین بیر چوخ اؤلکهلرینین تانینمیش اونیورسیتهلرینده کورسو صاحبی اولان بیر علم آدامی نیویورکدا بینگهامتون اونیورسیتهسینده قلوبال مدنیت اینجلملری اینستیتوسو ایدارچیلیگی ده ائدن پروفسور مازروی، دونیانین بیر چوخ اؤلکهسینین علم تشکیلاتلاری اولدوغو کیمی، بیر چوخ بین الخالق تشکیلاتین ده عضوو و مصلحتچیسی.
پروفسور مازروی، عینی زاماندا تورکیهدن جمهوریت قزئتی ده ایچینده اولماقلا تایمز، نیویورک تایمز، گاردین، آفریقا 2000، اینترنسیونال پولیتیکال ساینس ژوورنال کیمی بیر چوخ تانینمیش دونیا قزئت و ژورناللاریندا یازیلاری نشر اولونان بیر سیاست عالیم.
آکادئمیک حیاتینین بؤیوک بیر حیسهسینی، آمریکادا آمریکالیلارا، غربلیلره آفریقانی، آفریقانین پروبلملرینی، آفریقا مدنیتینی ایضاح ائتمهیه حصر ائتمیش اولان پروفسور دوکتور علی مازروینین 20-یه آشان کیتابی وار.
پروفسور مازروی، آتاتورکون اؤلوموندن قدر ایل سونرا بئله دوشونجهلری ایله اولوسونا اسین قایناغی اولان تک اؤندر اولدوغونو ایفاده ائدیر و داوام ائدیر:
"20-جی عیصیرده مصطفی کمال-دن باشقا دوشونجهلری اؤلکهسینین حیاتیندا تمل رول اوینایان باشقا بیر اؤندر یوخدور. منجه بونون سببی آتاتورکون بؤیوک بیر اینقیلابچی اولماسی، معاصر تورک میللی کیملیگینین باشدا گلن معماری و تورک موستقیللیگینین باش مودافیهچیسی اولماسیدیر. آتاتورکون یوردداشلارینین چوخ بؤیوک بیر حیسهسی، اونون بوتون سیاستلرینی بئنیمسمهیهنلری ده ایچینده اولماق عذره، تورک موستقیللیگینین مدافعه اولونماسینی و تورک شخصیتینین آچیقلیغا قوووشدورولماسینی سون درجه اهمیتلی قاتقیلار اولاراق گؤرمکدهدیر. "
-----
پروفسور دوکتور علی مازروی، آتاتورکون تورکیهده لیدرلیک ائتدیگی موستقیللیک ساواشینین سؤمورگهجیلیغه قارشی گیریشیلن ایلک باشاریلی ساواش اولدوغونو سؤیلهییر. بونون چوخ ماراقلی بیر وضعیت اولدوغونو ایفاده ائدهرک داوام ائدیر:
"بو اولدوقجا ماراقلی بیر وضعیتدیر. چونکی عثمانلی دولتینین اؤزو بیر ایمپراتورلوقدو، یعنی موختلیف خالقلاری اگمنلیگی آلتیندا توتوردو. اما بو دفعه تورکیهنین اؤزو تهدید ائدیلیر، بیر آیری میللت اولور و غربی اوروپا سؤمورگهجیلیغینه قارشی موفقیتله مقاومت گؤستریر. هرچند اینگیلیسلرله، آمریکالیلارلا اونلارین بیر قوروماجیلیغی یا دا مانداترلیغی آلتینا گیرمک اوچون بازارلیق ائدن تورکلر ده واردی. مصطفی کمال "خیر!" دئدی. "نه اوچون خاریجی قوروماسی آلتینا گیرهجکمیش! بیز بوتون تاریخیمیزده شرفلی بیر خالق اولاراق یاشامیشدیر. اگر اوغروندا موباریزه ائتمهیه حاضیرسان، موستقیل وارلیغیمیزی و شخصیتیمیزی قورویا بیلریک ". ایشده بو، باشقا یئرلردکی موستملکه خالقلار اوچون چوخ اهمیتلی بیر درس اولدو.
من آفریقادا، کنیادا دوغولوب بؤیودوم. سونرا یاخین شرق و آفریقا آراشدیرمالاری ائتدیم. آفریقادا عسکرلر اقتدارا گلیر، اورادا قالیر، ایمتیازلار الده ائدیر، سونرا اقتداردان دوشدوکلرینده اؤلکهلرینین اسکیسیندن داها یاخشی وضعیتده اولمادیغی گؤرولور. آتاتورکون دئوریمیندکی فرقلی یان بو ایدی؛ اقتدارا گلن بو عسکر، اقتداردا قالماق اوچون اورانی اله کئچیرمیش بیر عسکر دئییلدی، جمعیتی دییشدیرمک عذره اورایا گلمیشدی. آفریقادا کیمی اؤلکهلرده هر ایل نیظامی کودتالار اولور. بو نیظامی حکومتلرین هئچ بیری اؤلکهسینده قالیجی بیر تأثیر بوراخمامیشدیر. جمال عبدالناصیر کیمی بیر آز گئنیش گؤروش صاحبی بیر اؤندرین بئله قالیجی تأثیری اولا بیلمهدی؛ اؤلکهسی اونون اؤلوموندن قیسا زامان سونرا "ناصیرسیزلاشدیریلدی!"
مصطفی کمال آتاتورک ایسه اؤلکهسینین گلهجگینده اهمیتلی دییشیکلیکلر ائده بیلدی؛ اوروپایا قدر یاخین اولان اؤلکهسینین اؤزونو قورویابیلمسینی تامین ائدهجک دئوریملردی بونلار. بئلهجه یالنیز موستملکچیلیک علیهدارلیغی ساحهسینده دئییل، بیر عسکرین یالنیز بیر "اقتدار صاحبی" اولاراق قالماماسیدیر دا نومونهسینی وئردی. "
-----
آمریکا، اوروپا، آسیا و آفریقانین بیر چوخ اؤلکهلرینین تانینمیش اونیورسیتهلرینده کورسو صاحبی اولان علم آدامی، پولیتولوق پروفسور دوکتور علی مازروی، مصطفی کمال آتاتورکون دوشونجه و حرکتلرینین غرب دولت و حکومت آداملارینی ده تأثیر ایفاده ائدیر و علاوه ائدیر:
"آتاتورک، شوبههسیز اوروپالیلارین تورک خالقینا باغلی آنلاییشلارینی دییشدیردی. چونکی یوزلرله ایل عرضینده "تورک" سؤزو اوروپالیلار آراسیندا یا گولونج بیر سؤز و یا بایاغی بیر نوع اولاراق ایستفاده ائدیلمکده ایدی. عثمانلی ایمپراتورلوغونون بو جمعیتلرده گئنیش شکیلده "اوروپانین خسته آدامی" دئیه نیتلندیغینی ده بیلیریک. تورک اوردوسونون اوروپالی اوردولاری I. دونیا ساواشینین ایکینجی یاریسیندا و داها سونرا موستقیللیک ساواشیندا مغلوب ائده بیلمیش اولماسی، تورکلرین ساواشچی اولاراق دا، بیر خالق اولاراق دا داها دییشیک شکیلده قبول ائدیلمهسینی تامین ائتدی. اوروپالیلارین تورکلره قارشی حؤرمتینی آرتیردی. "
-----
سئوگیلی آتاتورک دوستلاری، سؤزون گوجونو ایتیردیگی نوکتاداییز ... داها نه دئییله بیلر کی ...
گلهجک هفته یئنه عینی ساعتدا عینی سئوگیده گؤروشمک دیلییله اسن قالین ...
ایلگیلیلی خبرلر
اورتا آسیا جمهوریتلرینین گوندمیندهکی گلیشمهلر
دونیانین اؤنده گلن اؤلکهلری اورتا آسیا جمهوریتلرینی بیر بوتون اولاراق گؤرمهیه باشلادیلار
آورآسیا جمهوریتلرینین گۆندمیندهکی گلیشمهلر
۷-۸ می ۲۰۲۴ تاریخلرینده آذربایجان باشباخانی علی اسدوو تۆرکیهیه رسمی سفر گئرچکلشدیردی