آتاتورک، بیر میللتین یئنیدن دوغوشو (11)
1934-جی ایلده ایتالیان-ایسپان بیر عائلهدن دونیایا گلن آنا ماسالا، روما لا اسپینزا اونیورسیتهسی ادبیات فاکولتهسیندن تورکولوق پروفسور اتور روسینین شاگیردی اولاراق دیپلوم آلدیغی و 1980-جی ایلده "آکادمیک پروفسور" آدی آلدی
آتاتورک، بیر میللتین یئنیدن دوغوشو:
سلام سئوگیلی اوخویوچولار، آتاتورک سئوگی و ماراغیندا بیرلیکدییک.
بؤیوک لیدر مصطفی کمال آتاتورکون آردیندان، دونیاجا تانینمیش دولت آداملارینین، یازارلارین و موتفککیرلرین، تاریخین حافیظهسینه هدیه ائتدیگی سؤزلری میننتدارلیغیمیزی تقدیم ائتمهیه داوام ائدیریک.
--
بو گون سیزلرله، ایتالیانین یئتیشدیردیگی قیمتلی اینسانلاردان بیری اولان آکادمیک پروفسور دوکتور آنا ماسالانین آتاتورک اوزرینه دگرلندیرمهسینی قیسا بیر حیسهسی گؤز آتاجاغیق.
1934-جی ایلده ایتالیان-ایسپان بیر عائلهدن دونیایا گلن آنا ماسالا، روما لا اسپینزا اونیورسیتهسی ادبیات فاکولتهسیندن تورکولوق پروفسور اتور روسینین شاگیردی اولاراق دیپلوم آلدیغی و 1980-جی ایلده "آکادمیک پروفسور" آدی آلدی. اؤز ایفاده سی ایله "من معنوی بیر تورکم" دئین ماسالا، تورکیه و تورک اینسانینا قارشی اولان دویغولارینی "تورکیهیه عاشق مکتوبلارینین" آدلی کیتابیندا اؤلومسوزلشدیردی.
صحبتلرینده، تورکیهیه سفرلری اثناسیندا بؤیوک بیر قوناقپرورلیک گؤردوگونو ایضاح ائدن پروفسور آنا ماسالا، عینی گونده اؤزونو دعوت ائدن دوستلارینی داریلدماماق اوچون اوچ دفعه اوست اوسته آخشام یئمگی یئدیگینی ده ایضاح ائتدی و دئدی کی؛ "یالنیز تورکیهده بئله بیر قوناقپرورلیک واردیر. آنادولودا ان کاسیب کندین ان کاسیب اینسانی تک تویوغونو آلیر و قوناغی اوچون کسر ... تورکون قوناغی اولونجا قوناق اولدوقدان باشقا بیر چوخ دا هدیه آلینیر.
مسئلن منه، مونجوقلار، بیلرزیکلر، یئمنیلر، قیمتلی کیتابلار، ال ایشچیلیگی قابلار، گوموش بیر آینا و داها بیر چوخ گؤزل هدیهلر وئردیلر. "
--
تورکولوق آکادمیک پروفسور دوکتور آنا ماسالا، ایتالیانلارین "ایل تورکو" اولاراق منیمسدیکلری، رومایا 700 کیلومتر اوزاقلیقداکی شیرین تورک کندی مونایی دا کشف ائدن آدامدیر.
ایشده بو تورک دوستو، مشهور ایتالیان علم اینسانی آنا ماسالا، تورکیه جمهوریتینین 75. ایلی قید ائتمهلری چرچیوهسینده تشکیل ائدیلن بیر سمپوزیومدا مصطفی کمال تورکیهسی و اوروپا باشلیقلی بیر بیانات تقدیم ائتدی. بیاننامه "سئوگیلی دوستلاریم" دئیه باشلاییردی.
"سئوگیلی دوستلاریم،
تورکیه جمهوریتینین حیاتینی دریندن اوخودوم. آتاتورکون اثرلرینی و اصلاحاتلارینی چوخ یاخشی اؤیرندیم و بو اؤلکهنین گلهجگینی ده دوشونورم ... من تورکیه جمهوریتینین اوزونو، گنجلرینین اوزونده گؤرورم. آتاتورکون چوخ گنج یاشدا اؤلموش اولماسی تأسف! 1938-جی ایلدن سونرا یاشامیش اولسایدی سئوگیلی اؤلکهسینین II. دونیا ساواشینین ییخیملاریندان نئجه خلاص گؤرهجکدی و بدنی فیکیرلری قدر دایانمیش اولسایدی آنادولودا و سئوگیلی روم ائلیسیندکی اینکیشافلاری گؤرهجکدی. بؤیوک قارا و دمیر یوللاری، یئنی بینالار و محلهلرین تیکیلمهسی، سو و الکتریک یوللارینین گوجلندیرمک، مکتب، کارخانه و اونیورسیتهلرین قورولماسی، بوتون بونلار، اوچونجو مینه گئنیش تورپاقلارین دئییل، اؤز تورپاقلارینین صاحبی اولان بیر تورکیه گتیرمکدهدیر. اوچونجو میندن یئنی تورکیهسیز ایسه گنجلرینه تاریخی و شرفلی مدنیتینی اونوتمادان ایرهلیلمه یولوندا داوام ائتمه وظیفهسینی وئرمکدهدیر. بو آتاتورکون آرزوسویدو ...
بوتون دونیادا قادینلارین حاقلاریندان و کیشیلرله عینی سویهده اولابیلمهسینه بحث ائدیلیر. اما تورکیهده ان اهمیتلی کمالیست انقلابین بیری قادینین ایش و مدنیت حیاتینا قاتیلماسینی تامین ائتمکدیر.
وطنداشینین قادینلاردان اوّل تورک قادینلاری سس حاقینی قازانمیشلار. تورک قادینلاری معلم، دولت مامورو، وکیل، مهندیس، دیپلومات، اونیورسیته پروفسورو، دوکتور و صنعتچی اولابیلدیک.
داها اوّل، تورکیهده و یا باشقا اؤلکهلرده ائتدیگیم کونفرانسلاردا عثمانلی قادینینی قیزیل قفسده بیر بولبول کیمی تانیملامیشدیم؛ آتاتورک بو کافهسی آچدی و گؤزل بولبول اوچاراق هاوالاندی و بوتون دونیادا تورکیهنین آدینی و شرفینی قورویور. "
--
ایتالیانین یئتیشدیردیگی قیمتلی اینسانلاردان تورک دوستو، آکادمیک پروفسور دوکتور آنا ماسالانین آتاتورک تورکیهسی اوزرینه قیمتلندیرمهلری عینی صمیمیلیکله داوام ائدیر ... و بیر ده دیلکده وار پروفسور ماسالا:
"I. دونیا ساواشینین ییخیملاریندان تورکیهنی قورتارماق اوچون یالنیز آتاتورک کیمی بیر عسگر و اونون اوردوسو کیمی بیر اوردو چاتمازدی. بیر حقوقشوناس، بیر مدنیت آدامی و سیاسی بیر داهیلیک لازیم ایدی. آتاتورک بونلارین هامیسیده، خالقی دا اونا لاییقدی. 1919-جو ایلده سامسونا آیاق باسدیغیندا آتاتورک یالنیز دئییلدی، تورکیهنین اوریی اورادا، اونونلا بیرلیکده ایدیلر. تورک بایراغیندا آی و اولدوز وار اما آتاتورک او بایراغین گونشیدیر.
آتاتورک آرکولوژی، تاریخ و بوتون علم ساحهلرینده اینکیشافی تامین ائتمک ایستمیشدیر. یئنی و معاصیر اونیورسیتهلرین، دولت اورکسترلرینین، تورک تاریخ قورومونون، خالق ائولرینین و دیگر بوتون مدنی تشکیلاتلارین تورکیهیه خاریجی علم آداملاری گتیرهرک ده میدانا گلمهسینی تامین ائتمیشدیر.
سئوگیلی دوستلاریم، تکنولوژی یولوندا داوام ائدن گلهجگینیکی گوجلندیرین، آنجاق تاریخینیزی اونوتمایین. آتاتورک، تورکیهنین کئچمیشینی هئچ بیر زامان گؤز قارشیسیندان قاچیرمادی. آتاتورکون ایستگی اوزرینه تورک تاریخ قورومونون ایشلریله، آنادولو، تازادان تیکیلدی و تاریخی قازینتیلارلا بوتون خزینه و مدنیتلرینی گؤزلر اؤنونه سردی.
آتاتورکون بو مدنی حیسی سایهسینده تورکیه، تورپاقلارینداکی بوتون بو آنتیک مدنیتلری دونیایا تقدیم ائدهرک بؤیوک بیر موزه حالینا گلدی. بو اسکی صنعت اثرلری کئچن عصرین آنیلارییلا بیرلیکده یاشاماقدادیر؛ بو سببله ده تورکیه قارداشیمیز ساییلماقدادیر.
غازی کمال پاشایا تورک میللتی آتا-تورک آدینی وئرمیش، سیز ده اونون اؤولادلارینیز. اونا لاییق اولون. تورکیه یاشادیقجا، مین یاشاسین، آتاتورکون آدی یاشایاجاق. آتاتورکون آدی یاشادیقجا تورکیه یاشایاجاق. 20-جی عصر سیزین دوغوشونوزدو، گلهجک مین ایل سیزیندیر.
منجه تورکلرین دوستو اولماق بیر شرفدیر. "
--
سئوگیلی آتاتورک دوستلاری،
سؤزون گوجونو ایتیردیگی نقطهدییز ... داها نه دئییلهبیلر کی ... گلن هفته یئنه عینی ساعاتدا عینی سئوگیده گؤروشمک دیلییله اسن قالین ...
ایلگیلیلی خبرلر
تۆرک جمهوریتلرینین گوندمیندهکی گلیشمهلر
۱ ژوئن ۲۰۲۴ تاریخینده شوشادا تۆرک دؤولتلری تشکیلاتی تحصیلدن مسئول باخانلاری ۸.جی ییغینجاغی ائدیلدی