دین و توپلوم (21)
عبادتلر اؤز باشلارینا بیر هدف اولماییب رئاللاشدیراجاقلاری داها اوست مقصدلر اوچون بیر واسطه حسابیندادیر
قیمتلی اوخوجولار ...
دین و دونیا موضوعلو پروقرامیمیزین بو گونکی حیسهسینده، فرقلی دینی سیستملرده فرقلی شکیللرده یئرینه گتیریلمکده اولان اوروج عبادتی و اونون اجتماعی فایدالاری اوزرینده دایانیلاجاق.
بیلیندیگی کیمی اوجا یارادیجی اینسانلیغین باشیندان اعتباراً گؤندردیگی بوتون دینلرده اینسانلارا قوللوق و عبادت ائتمه وظیفهسی یوکلمیشدیر. عبادتلر اؤز باشلارینا بیر هدف اولماییب رئاللاشدیراجاقلاری داها اوست مقصدلر اوچون بیر واسطه حسابیندادیر. بو دوشونجهده اولانلارا گؤره عبادتلر آرتیق آرخالاریندان بیر آن اوّل آتیلماسی لازیم اولان بیر یوک اولماقدان چیخار. سانکی اوزرینده یوکسلدیگی بیر واسطه حالینا گلیر. اوروج عبادتی ده بونلاردان بیریدیر. عربجه قارشیلیغی بیر شئیدن اوزاق دایانماق، بیر شئیه قارشی اؤزونو توتماق و قارشیسینی آلماق معنالاریندا بیر آنلام داشیماقدادیر. ایسلام حقوقوندا اؤزونه خاص تعریفی ایله رمضان آییندا بیر آی بویونجا یئرینه یئتیریلمهسی لازیم اولان بیر عبادتدیر.
قورآندا: "ای ایمان گتیرنلر، سیزدن اوّلکیلره فرض قیلیندیغی کیمی، سیزه ده اوروج فرض قیلیندی" دییلمکدهدیر. بورادان آیدین اولور کی، ایلاهی تبلیغین چاتدیغی بوتون قوملار اوروج توتماقلا مسئول توتولموشدور. ایستر یهودیلیک و خریستیانلیق کیمی سماوی دینلر ایستر بودیزم کیمی سماوی اولمایان دینلره باخیلسین بونلارین هامیسیندا اوروجا بنزر بیر تطبیق واردیر. لاکین ایسلامداکی اوروج عبادتیندن چوخ فرقلی اولدوغو گؤرولهجک. دئییلهبیلر کی دیگر دینلردکی اوروج اصل ماهیتینه چیخاریلیب بیر نوع پرهیزه چئوریلمیشدیر. بئلهلیکله امر ائدیلدیگی شکلیله گئرچک بیر عبادت اولاراق یئرینه یئتیریلن اوروجون یالنیز ایسلام دینینده اولدوغو دئییلهبیلر.
قیمتلی اوخوجولار ...
یوخاریداکی ایشاره ائتدیگیمیز آیه و دیگر حدیث قایناقلاریندا ایفاده ائدیلدیگی کیمی، اوروج عبادتی بعضی استثناءلار خاریجینده هر کس طرفیندن یئرینه یئتیریلمهسی مجبوری اولان بیر عبادتدیر. دیگر عبادتلرده اولدوغو کیمی اوروج عبادتی ده اینسانلار آراسیندا بیر برابرلیک پرینسیپی اوزرینه قورولموشدور. هئچ بیر مسلمان آراسیندا آیری-سئچکیلیک ائدیلممکدهدیر.
حضرت پیغمبر بیر سؤزونده "اوروج قالخاندیر" دئیرکن، ان اؤز ایفادسیله اینسانی اللهین قاداغالاریندان قورویان بیر سیپر اولدوغونو بیلدیرمیشدیر. الله بو معنوی قالخان ایله مسلمانلاری بوتون داخیلی و خاریجی پیسلیکلردن قوروماقدادیر. اوروج بدنین زیرئه گئیمهسی کیمی، روحون گئیدیگی بیر زیرئهدیر. "رمض"ان سؤزوندن آیدین اولاجاغی کیمی، بو آیدا اوروج توتان کیمسه چکدیگی چتینلیکلر، آجلیق و سوسوزلوق سببیندن گوناهلارین یوخ اولماسینا وسیله اولاجاغینی سؤیلمک مومکوندور.
اینسان ایکی ضدین بیر یئرده اولدوغو بیر وارلیقدیر. بدن ایله روح، ماده ایله معنا ایچ ایچهدیر. اینسانین خوشبختلیگی بو ایکی فرقلی عنصورون تعادولوندا توتولماسینا باغلیدیر. مادی ایستیقامتیمیز داها آچیق اولدوغو اوچون روحی گوجلریمیزی گؤلگهلمکدهدیر. بو تمایل دواملی و تأثیرلی اولسا، اینسان روحونون گلیشمهسینه مانع تؤردیلمیش اولار. اوروج، روح ایله بدن مباریزهسینده عقل و ایراده صاحبی اولان اینسانین آغیرلیغینی روحدان یانا قویماسی معناسینی وئرر. آدامین یئتکینلیگینی علامتلریندن بیری، حیوانی طبیعتینی آغلینا و روحونا بویونن ائیدیرمسیدیر. بو مقصده چاتماقدا آجلیق، سوسوزلوق، جینسی آرزولاری محدودلاشدیرماق، دیلین، اورگین، ذهنین و او بیری اورقانلارین یوخلاما آلتینا آلینماسی ان تأثیرلی یولدور. بو وظیفهلرین هامیسینی ان یاخشی یئرینه یئتیرهجک اولان شئی ده اوروج عبادتیدیر.
قیمتلی اوخوجولار ...
اوروج بیر معنادا ایراده و صبر تحصیلیدیر. اوروجلو کیمسه صاباحدن آخشاما قدر نفسینین آرزولارینا ست چکمکله گوناها قارشی دؤزوم گوجو قازانار. حیات اینسان اوچون هر زامان راحت و شن اولمایا بیلر. بعضن چتینلیکلری ده اؤزو ایله گتیرمکدهدیر. اوروجون قاتدیغی دگرلرله صبر آلیشان آدام، حیاتینین چتینلیکلرینی آسانلیقلا آشا. بونا گؤره اولمالیدیر کی، حضرت پیغمبر "اوروج صبرین یاریسیدیر" دئمیشدیر.
او بیری طرفدن اوروجون اینسان ساغلاملیغینا مثبت تأثیرلری اولدوغو متخصصلر طرفیندن دیله گتیریلمکدهدیر. اوروج خصوصیله معده و هضم سیستملرینین استراحت ائتمهسی و داها سونراکی وظیفهلرینی داها یاخشی یورودهبیلمسی اوچون وئریلمیش یاخشی بیر استراحت. گؤزل بیر پرهیز خصوصیتیندهدیر. حضرت پیغمبرین "اوروج توتون کی، ساغلام اولارسینیز" سؤزو اوروجون اینسان ساغلاملیغینا اولان فایدالاری اوزرینه دئییلمیش بیر سؤزدور. بو سببله اوروج، روحلا بیرلیکده بدنی ده حدیندن آرتیق مصرفین گتیردیگی روحی و فیزیکی خطالیقلاردان قورویار.
اوروجلو، کاسیبین و احتیاج صاحبینین حالینی، اؤزونو باشقاسینین یئرینه قویاراق چوخ داها درک ائتمیش اولار. دواملی وارلیق و غنیلیک ایچینده یاشاماغا آلیشمیش اولان بیری، اوروجلا شخصاً محرومیتی داداجاقدیر. بو تجروبه اونون کاسیب و یوخسولا داها فرقلی بیر گؤزله باخماسینی تامین ائدر. نتیجهده محتاج اولانلارا کؤمک ائتمه دویغولاری حرکته کئچر. بو دویغولارین حرکته چئوریلمسیله کاسیب ایله غنی آراسیندا گؤزل علاقهلر قورولار. بو وسیله ایله ایکی طبقه آراسینداکی قایناشما اجتماعی دینجلیگه زمین حاضیرلایار. بونلارین هامیسی بیر معنادا اوروجون دونیوی فایدالاریندان ساییلا بیلر.
قیمتلی اوخوجولار ...
اوروج اینسانا ایلاهی نعمتلرین دگرینی بیلمگی و اونلاری تقدیر ائتمگی اؤیردر. قناعتی اؤیرهدیر. بونلار سایهسینده اینسان اوجا اللها قارشی مسئولیتلرینی داها لاییق بیر شکیلده یئرینه یئتیرمه تلاشی ایچینه گیرر. حضرت پیغمبرین بیر حدیثسینده الله هر عبادتین قارشیلیغیندا بیر دگر تعیین ائدرکن، اوروج عبادتینین قارشیلیغینی ساییلا بیلمهیهجک اؤلچوده توتموشدور. بو مزموندا بونو سؤیلمک مومکوندور کی، اوروج عبادتی بیر طرفی ایله بیرباشا روحا خیظاب ائدرکن، دیگر یانییلا اجتماعیدیر. بیر یؤنو ایله بشر-الله مناسیبتلرینی بیرباشا ایلگیلندیریرکن، دیگر طرفدن بشری مناسیبتلرین اوست نقطهسینه تماس ائتمکدهدیر.
بیر سونراکی پروقرامیمیزدا گؤروشمک عذره سیزلری اللها امانت ائدیرم. ساغ اولون.