ترت اولوسلارآراسی بلگهسل اؤدوللری مراسیمی سونا چاتدی
بو ایل ۱۴.جوسو تشکیل ائدیلهن "ترت اولوسلارآراسی بلگهسل اؤدوللری" ایستانبولدا گئرچکلشدیریلن اؤدول مراسیمی ایله سونا چاتدی
تۆرکیه رادیو تلویزیون قورومو (ترت) طرفیندن بو ایل ۱۴.جوسو تشکیل ائدیلهن "ترت اولوسلارآراسی بلگهسل اؤدوللری" ایستانبولدا گئرچکلشدیریلن اؤدول مراسیمی ایله سونا چاتدی.
تخمیناً ۱۰۰ اؤلکهدن ۱۰۰۰ه یاخین پروژهنین مراجعت ائتدیگی ۱۴.جو ترت اولوسلارآراسی بلگهسل اؤدوللرینده، "اولوسلارآراسی کتگوری"، "اولوسال پروفسیونل کتگوری"، "اولوسال اؤیرنجی فیلملری کتگوریسی" و "پروژه دستک کتگوریسی" اولماق اوزره ۴ کتگوریده ۳۲ فینالیست اؤدول اوچون یاریشدی.
اؤدول مراسیمینده اولوسلارآراسی کتگوریده "د لنس آف د دموکراسی" بلگهسلی ان یاخشی فیلم اؤدولونو آلارکهن، "گیسئلوو" ایکینجیلیک، "ا گولدن لایف" اوچونجولوک اؤدولونون صاحبی اولدو.
اولوسال پروفسیونل کتگوریده، "فلانؤز" آدلی اثر ان یاخشی فیلم اؤدولو، "بیلگه آنا مؤولوده گنج" کۆلتور و توریزم باخانلیغی اؤزل اؤدولو، "کاوور" ژوری اؤزل اؤدولونه لایق گؤرولدو.
اولوسال اؤیرنجی فیلملرینده ده "گؤیاۆزونه باخ" ان یاخشی فیلم اؤدولو، "اکمک تَکنهسی" ایکینجیلیک اؤدولو، "اییی گئجهلر دده، سنی سئویرم" اوچونجولوک اؤدولونه دگر گؤرولرکهن، پروژه دستک کتگوریسینده ایسه "بوشلوق"، "سنین ده بیر مورووتینی گؤرسک" و "دوُزدان خیاللار" آدلی بلگهسللر اؤدوللندیریلدی.
مراسیمده دانیشان ترت باش مودورو محمد زاهید سوباجی، فعالیتین، "کؤکلو ایزلر، گوجلو حکایهلر" شعارییلا تشکیل ائدیلدیگینی و تۆرکیهنین ان بؤیوک بلگهسل فیلم فستیوالی اولدوغونو سؤیلهدی.
بلگهسللرین و بلگهسلچیلیگین تۆرکیهدهکی تاریخ و ماجراسینین ترتدن باغیمسیز دوشونولمهسینین مومکون اولمادیغینا دقت چکهن سوباجی، ترت بلگهسل اؤدوللرینین ده دونیانین موختلیف نقطهلریندن بلگهسلچیلری بیر آرایا گتیرن برندلشمیش بیر فعالیت اولدوغونو ایفاده ائتدی.
بلگهسللرین آییرد ائدیجی یانلاریندان بیرینین ده تمل کۆرهسل مسئلهلری تعیین ائدهبیلمهلری، بو مسئلهلرین حلینه ایشیق توتابیلمهلری و عدالتسیزلیکلری بوتون گئرچکلیگی ایله گؤزلر اؤنونه سرهبیلمهلری اولدوغونو دیله گتیرهن سوباجی، بونلاری قید ائتدی:
"معلومونوز اولدوغو اۆزره ایسرائیل، ۷ اکتبردان بو یانا غزهده بیر سویقیریم گئرچکلشدیریر. چیخاردیقلاری بعضی قاواراملار اۆزریندن دونیایا عیار وئرمهیه چالیشان باتی دؤولتلرینین سؤزده اؤزگور، گئرچکده ایسه گۆدوملو مئدیاسینین بو سویقیریم قارشیسیندا نئجه اوچ میمونو اوینادیغینا شاهیدلیک ائدیریک.
ایسرائیلین ایشلمیش اولدوغو اینسانلیق سوچلارینا قارشی ان بؤیوک تپکی داها عدالتلی بیر دۆنیا تصوورو ایله ۸ میلیارد اینسانین حاقینی ساوونان تۆرکیهدن یۆکسلیر. دؤولتیمیز مظلومدان یانا اولان دوروشویلا بوتون دونیایا عدالت و حاق درسی وئررکهن، تۆرکیهنین دؤولت یایینچیسی اولاراق بیزلر ده، یایین و یاپیملاریمیزلا اصلینده قاتیلین کیم، قوربانین کیم اولدوغونو دلیللرله ایضاح ائدیریک".
فعالیتده غزهیه اؤزل باشلیقلارا یئر وئردیکلری بیلگیسینی پایلاشان سوباجی، فستیوالا قاتقی وئرن بۆتون بلگهسلچیلره، ژوری عضولرینه و اکیب یولداشلارینا تشکر ائتدی.