اویونچو تراویس فیمل آیاصوفیانی گزدی

آمریکالی مشهور اویونچو تراویس فیمل، توریستیک گزینتی اوچون گلدیگی ایستانبولدا، کۆلتور و توریزم باخان کؤمکچیسی باتوحان مومچو ایله بیر آرایا گلدی.

وایکینگلر دیزیسینده کرال راگنار کاراکتری ایله تانینان اویونچو، مومچو ایله بیرلیکده آیاصوفییای کبیر مسجد شریفینی و آیاصوفییا تاریخی موزه‌سینی گزدی.

آیاصوفییای کبیر مسجد شریفین تاریخی و معماریسی حاقیندا بیلگی آلان فیمل، آردیندان آیاصوفییانین زنگین تاریخینی دیجیتال اولاراق قوناقلارا سونان آیاصوفییا تاریخی موزه‌سینین اتموسفرینی گز‌دی.

تورکیه توریزم تانیتیم و گلیشدیرمه آژانسینین یئریتدیگی ایشلر چرچیوه‌سینده تورکیه‌نین صاحب اولدوغو کۆلتورل میراث، هالیوود سینماسینین مشهور اویونچولاری، یؤنتمنلری و یاپیمچیلاری باشدا اولماق اۆزره دونیانین بیر چوخ یئریندن توریستین دقتینی چکیر.